Տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 386 դրամ, վաճառքի նվազագույն արժեքը՝ 392 դրամ:

Եվրոյի առքի առավելագույն արժեքն է 410 դրամ, վաճառքի նվազագույն արժեքը՝ 424 դրամ:

Ռուսական ռուբլու առքի առավելագույն արժեքն է 4.25 դրամ, վաճառքի նվազագույն արժեքը՝ 4.562 դրամ:

ՏԱՍՍ-ին տված հարցազրույցում, ի պատասխան լրագրողի դիտարկմանը, թեր ՆԱՏՕ-ի գլխավոր քարտուղար Ենս Ստոլտենբերգը Կիևի անդամակցությունը պայմանավորել էր պատերազմում Ռուսաստանի նկատմամբ հաղթանակով, Ռուսաստանի Դաշնության արտաքին գործերի փոխնախարար Սերգեյ Ռյաբկովը հայտարարել է, որ Ուկրաինայի անդամակցությունը ՆԱՏՕ-ին բացառված է։

«Ուրեմն, սա երբեք տեղի չի ունենա: Հուսով եմ՝ պարոն Ստոլտենբերգը հասկանում է սա: Նա ինձնից լավ գիտի, թե ինչպես է նախապատրաստվել 2008 թվականի տխրահռչակ որոշումը, երբ ՆԱՏՕ-ի ղեկավարները ամենաբարձր մակարդակով գրում էին, որ Ուկրաինան դառնալու է ՆԱՏՕ-ի անդամ։

Դա, ընդհանուր առմամբ, այս ամբողջ ճգնաժամի խթանն էր, որը մենք տեսնում ենք այսօր»,- ասել է Ռյաբկովը:

Հարցին՝ Ձեր կարծիքով, Ուկրաինան երբեք չի՞ միանա ՆԱՏՕ-ին, նա պատասխանել է. «Կարծում եմ՝ դա բացառված է»։

Նիկոլով արտահերթի հարց օրակարգ բերողների խնդիրը սոսկ այս ընդդիմության տեղը զբաղեցնելն է.

Զոհրաբյան

Մանրամասները՝ տեսանյութում 

Այս իշխանության հեռացումը մեր պայքարի միայն մեկ բաղադրիչն է.

Բագրատ սրբազան

Մանրամասները՝ տեսանյութում 

Դառնացած եմ խաչքարի մասին վարչապետի հուզախառն դատողություններից. ֆեյսբուքյան իր էջում գրել է Արցախի Տիգրանակերտի պեղումներն իրականացրած արշավախմբի ղեկավար, ԵՊՀ մշակութաբանության ամբիոնի վարիչ, պատմական գիտությունների դոկտոր, պրոֆեսոր Համլետ Պետրոսյանը՝ անդրադառնալով Նիկոլ Փաշինյանի՝ խաչքարերի մասին հնչեցրած կարծիքին։

«Նախ՝ խաչքարներ չեն, այլ խաչքարեր:

Խաչքարերը իշխանության, քաղաքական կուսակցությունների, ընդդիմության, նույնիսկ Հայ առաքելական եկեղեցու նախաձեռնությունը չեն: Խաչաքարային մշակույթի նոր ալիքը՝ սկսած անցած դարի 60-ական թվականներից՝ ծագել, զարգացել և մնում է  զուտ ժողովրդական նախաձեռնություն:

Իհարկե, կարելի է քննել, խոսել դրա լավ ու վատ դրսևորումների մասին: Բայց այն միանշանակ հանրույթի մի զգալի մասի դարերով փորձված արձագանքն է իրավիճակին, նրա հույսի դրսևորումն է, երբ իրականությունն  ու քաղաքականությունը որևէ հույս չեն տալիս: Նախ այս մասին պիտի մտածել, բարձրաձայնել, հասկանալ: Խաչքարերը միջոց են, արդյունք և ոչ պատճառ»,- գրել է նա:

Հիշեցնենք, որ Նիկոլ Փաշինյանը Սյունիքի մարզ աշխատանքային այցի ընթացքում Սիսիանի ավագ դպրոցի աշակերտների հետ հանդիպմանն ասել էր. «Ուր գնում ենք, ասում ենք՝ եկեք խաչքար դնենք, խաչքար դնենք, էլի խաչքար դնենք, խաչքար։ Ինչքա՞ն խաչքար դնենք, հասկացանք՝ 1, 2, 10, 50, 100: Եկեք ամեն մեկի վզից մի խաչքար կապենք, ասենք՝ քարշ տվեք երեխեք, սա ձեր առաքելությունն է:

Մեծ խաչքարեր կապենք երեխաների ոտքից, ասենք դե քարշ տվեք, որովհետև Վարդան Մամիկոնյանի սերունդներն եք դուք:

Էլի Վարդան Մամիկոնյանի...

Մեր նահատակները զոհվել են, որ երեխաների վզերից խաչքարերը կախենք, հա՞։ Ոչ, զոհվել են, որ ապրեն, որ ազատ ապրեն, կյանքը վայելեն, որ կյանքից հաճույք ստանալն ամոթ չլինի:

Այս փոփոխությունն է այսօր տեղի ունենում Հայաստանում»։

ՀՀ նախկին ՄԻՊ Արման Թաթոյանը հատուկ զեկույց է հրապարակել․

«Այս օրերի գլխավոր խնդիրը մնում է «կարմիր ու սև բերետավորների» կողմից մարդու իրավունքների կոպիտ խախտումների ու այդ խախտումների, այդ թվում` հանցանքների համար բացարձակ անպատժելիության քաղաքական հովանավորությունը, այս ամենի խրախուսումը անձամբ ՀՀ վարչապետի կողմից»:

Հայաստանում այցով գտնվող ԱՄՆ պետքարտուղարի տեղակալ  Ռիչարդ Վերման հանդիպել է ՀՀ-ում մի շարք երկրների դեսպանների։ Այս մասին նա գրել է X-ի իր էջում։

«Ջերմ և արդյունավետ հանդիպում համախոհ դիվանագետների և հայ պաշտոնյաների հետ՝ քննարկելու Հայաստանի աճող դերը համաշխարհային ասպարեզում:

Միասին մենք  հավատարիմ ենք տարածաշրջանային կայունության ու անվտանգության առաջմղմանը։

Սա է շարունակական գործընկերության և ընդհանուր բարգավաճման ապագան»,-գրել է նա։

Հայաստան-Ֆրանսիա ռազմատեխնիկական համագործակցության վերաբերյալ պաշտոնական Բաքվի արձագանքը տարակուսանքի տեղիք է տալիս: Մարտունակ և ժամանակակից զինտեխնիկայով սպառազինված բանակ ունենալը ցանկացած երկրի ինքնիշխան իրավունքն է:

Հայաստանի Հանրապետությունը ճանաչում է իր բոլոր հարևանների տարածքային ամբողջականությունն ու սահմանների անխախտելիությունը: Հայաստանն ու Ադրբեջանը բարձրագույն մակարդակում պայմանավորվել են, որ ճանաչում են միմյանց տարածքային ամբողջականությունը և ինքնիշխանությունը՝ 1991 թվականի Ալմա-Աթայի հռչակագրի հիման վրա: Հայաստանի Հանրապետությունը հավատարիմ է այս սկզբունքին և միջազգայնորեն ճանաչված իր 29 հազար 743 քառակուսի կիլոմետր տարածքից դուրս հավակնություններ չունի: Հայաստանի Հանրապետությունն այս մոտեցումը գործնականում ապացուցել է Հայաստանի Հանրապետության Տավուշի մարզի և Ադրբեջանի Հանրապետության Ղազախի շրջանի չորս գյուղերի շրջանում սահմանազատում իրականացնելու նախաձեռնությամբ: Ադրբեջանին կոչ ենք անում վերջ դնել ՀՀ ավելի քան 30 գյուղերի կենսական նշանակության տարածքների օկուպացիային:

Ամեն առիթով տարածաշրջանային սրացումներ կանխատեսելու Ադրբեջանի գործելակերպը մտածելու տեղիք է տալիս և գալիս է հիմնավորելու մի շարք կենտրոնների կողմից արվող վերլուծությունները, թե Ադրբեջանն ամեն ինչ անելու է վիժեցնելու Հայաստանի հետ խաղաղության համաձայնագիր կնքելու գործընթացը, 2024թ. նոյեմբերին Բաքվում կայանալիք COP29 գագաթաժողովից հետո Հայաստանի Հանրապետության նկատմամբ նոր ագրեսիա ձեռնարկելու համար:

Միջազգային հանրության ուշադրությունը հրավիրում ենք այս, ինչպես նաև այն փաստի վրա, որ 1 ամսվա ընթացքում խաղաղության համաձայնագիր կնքելու պաշտոնական Երևանի առաջարկը պաշտոնական Բաքվի կողմից մնացել է անարձագանք:

#ՀԻՄԱ. ԲԱԳՐԱՏ ՍՐԲԱԶԱՆԸ ՄԱՄՈՒԼԻ ԱՍՈՒԼԻՍ Է ՀՐԱՎԻՐԵԼ, ՇԱՐԺՈՒՄԸ ՆՈՐ ՓՈԻԼ Է ՄՏՆՈՒՄ.

ՈՒՂԻՂ 

Փհենյանում կայացել են ՌԴ նախագահ Վլադիմիր Պուտինի և Հյուսիսային Կորեայի առաջնորդ Կիմ Չեն Ընի բանակցությունները, որոնք ընթանում են պատվիրակությունների կազմով, հաղորդում է ՌԻԱ Նովոստին:

Սա Պուտինի առաջին այցն է ԿԺԴՀ 2000 թվականից ի վեր։ Վաղ առավոտյան ՌԴ առաջնորդն իր հյուսիսկորեացի գործընկերոջ հետ ժամանել է Կիմ Իր Սենի հրապարակ, որտեղ տեղի է ունեցել դիմավորման հանդիսավոր արարողությունը, ինչից հետո Պուտինն ու Կիմ Չեն Ընը մեկնել են պետական նստավայր։

Ինչպես նշել է ՌԴ նախագահը հանդիպման մեկնարկին, բանակցությունների ընթացքում կստորագրվի «նոր հիմնարար փաստաթուղթ», որը կլինի ՌԴ-ի և ԿԺԴՀ-ի հարաբերությունների հիմքում:

«Անցյալ տարի Ռուսաստան կատարած Ձեր այցի արդյունքում մենք զգալիորեն առաջ շարժվեցինք այսօրվա մեր միջպետական կապերի կառուցման գործում։ Այսօր պատրաստվել է նոր հիմնարար փաստաթուղթ, որը երկարաժամկետ հեռանկարում մեր հարաբերությունների հիմքը կհանդիսանա», - նշել է Պուտինը։

Ռուսաստանի ղեկավարը հիշեցրել է, որ անցած տարի երկրները նշել են դիվանագիտական հարաբերությունների հաստատման 75-ամյակը, իսկ ընթացիկ տարում ՝ առաջին միջպետական փաստաթղթի՝ տնտեսական և մշակութային համագործակցության մասին համաձայնագրի կնքման 75-ամյակը:

«Ինչպես հայտնի է, այդ համաձայնագիրը ստորագրվել է ընկեր Կիմ Իր Սենի կողմից Մոսկվա կատարած նրա առաջին այցի ընթացքում»,- հիշեցրել է Ռուսաստանի ղեկավարը:

Պուտինը հույս է հայտնել, որ Կիմ Չեն Ընի հետ հաջորդ հանդիպումը կկայանա Մոսկվայում:

ՌԴ նախագահը նաև կիսվել է Փհենյանից ստացած իր տպավորություններով՝ նշելով, որ քաղաքը ավելի գեղեցիկ է դարձել․ «2000 թվականին իմ նախորդ այցից հետո Փհենյանում տեղի ունեցած փոփոխությունները տպավորիչ են։ Դա պարզապես նկատելի է... Հաճելի է դիտել այն, անկեղծ եմ ասում»։

Նշենք, որ ռուսական պատվիրակության կազմում են ՌԴ արտաքին գործերի նախարար Սերգեյ Լավրովը, առաջին փոխվարչապետ Դենիս Մանտուրովը, փոխվարչապետ Ալեքսանդր Նովակը, նախագահի մամուլի քարտուղար Դմիտրի Պեսկովը, նախագահի միջազգային հարցերով օգնական Յուրի Ուշակովը, ԿԺԴՀ-ում ՌԴ արտակարգ և լիազոր դեսպան Ալեքսանդր Մացեգորան, պաշտպանության նախարար Անդրեյ Բելոուսովը, բնական պաշարների նախարար Ալեքսանդր Կոզլովը, առողջապահության նախարար Միխայիլ Մուրաշկոն, տրանսպորտի նախարար Ռոման Ստարովոյտը, պաշտպանության փոխնախարար Ալեքսեյ Կրիվորուչկոն, Ռուսական երկաթուղիների ղեկավար Օլեգ Բելոզերովը և Ռոսկոսմոսի ղեկավար Յուրի Բորիսովը։

Հյուսիսկորեական պատվիրակության կազմում ԿԺԴՀ առաջնորդից բացի ներառված են նաև վարչապետ Կիմ Դոկ Հունը, արտաքին գործերի նախարար Ցոյ Սոն Հին, Կորեայի Աշխատավորական կուսակցության կենտրոնական ռազմական կոմիտեի նախագահի տեղակալ Պակ Չոն Չհոնը, կուսակցության քարտուղար Չո Յոն Վոնը, կուսակցության Կենտրոնական ռազմական վարչության միջազգային բաժնի ղեկավար Կիմ Սոն Նամը և ԿԺԴՀ փոխարտգործնախարար Իմ Չհոն Իրը։