ԵՊՀ «Եվրոպական ուսումնասիրությունների կենտրոնի» ղեկավար, քաղաքական գիտությունների թեկնածու, դոցենտ Վլադիմիր Մարտիրոսյանը ֆեյսբուքյան իր էջում գրում է.

«Շատ լավ պատկերացնելով քաղաքականության էության և դրա գրված ու չգրված օրենքների ու բնույթի գունապնակը դիմում եմ ՀՀ նախագահներ՝ Ռոբերտ Քոչարյանին և Սերժ Սարգսյանին որպես քաղաքացի և որպես քաղաքագետ, ով քաղաքական և հանրային գործընթացների մասին իր պատկերացումները ձևավորում է, ոչ թե ստերիոտիպերի, նվիրվածության, քարոզչական նստվածքի և ծավալվող դիսկուրսների ազդեցության արդյունքում, այլ ռեալ , խորքային և անաչառ մասնագիտական դիտակետից:

Ձեր սիներգիան ուներ մեկ անուն՝ Արցախ.

Ձեր քաղաքական կենսագրությունը ուներ մեկ անուն՝ Արցախ.

Ձեր անվտանգային պատկերացումներն ու անվտանգային շահերը ունեին մեկ անուն՝ Արցախ.

Ձեր իշխանության գալու և իշխանությունը թողնելու մոտիվացիաները ունեին մեկ անուն՝ Արցախ.

Ձեր անձնական, քաղաքական, կուսակցական շահերի ստորադասումը ուներ մեկ անուն՝ Արցախ.

Ձեր բնական փոխադարձ քաղաքական մրցակցության կարևորությունը միշտ դարձել է անէական, երբ ձեր գերակայությունը, որի անունն էր Արցախ՝ կար և ամուր էր:

Հիմա, կամուրջներն այրելուց հինգ պակաս

Ձեր տանելի սիներգիան պետք է Հայաստանին:

Ձեր համատեղ կենսագրությունը պետք է Հայաստանին:

Ձեր անվտանգային պատկերացումներն ու փորձը պետք է Հայաստանին:

Ձեր իշխանությունների ինստիտուցիոնալ հիշողությունն ու հաջողությունների պատմությունը պետք է Հայաստանին:

Ձեր իշխանության գալու և այն թողնելու մոտիվացիաների և գերակայություններ ունենալու քաղաքական կուլտուրան պետք է Հայաստանին:

Ձեր անձնական, կուսակցական, քաղաքական շահերի ստորադասումը պետք է Հայաստանին.

Ձեր փոխադարձ քաղաքական մրցակցության կարևորությունը անէական է երբ/եթե ձեր գերակայությունը Հայաստանն է:

Ձեր սիներգիան ոչ թե ընտրական կամ էլեկտորալ հաշվարկի գործոն է ինձ համար, այլ որքան էլ դժվար, բայց անհրաժեշտ քաղաքական երևույթ է, որի նշանակությունն ու արժեքը ավելի մեծ է իր երկարաժամկետ ինստիտուցիոնալ ազդեցությամբ և քաղաքական մշակույթի արմատավորմամբ: Այդ սիներգիան ինձ պետք է այս երկրի ինստիտուցիոնալ հիշողության, գերակայությունների երկաթ բետոնյա հիմքի համար և այդ հիմքերը ինքնամոռաց քանդողների ջրաղացի ջուրը կտրելու համար:

Հավատացեք, որ այս ժողովրդի 80%-ին, ոչ թե հետաքրքրում է, թե դուք կզբաղվեք քաղաքականությամբ, թե ոչ կամ ինչ քաղաքական շահեր ու ամբիցիաներ ունեք, կամ ում նախագահության ժամանակ ով ինչ արդյունքի ու տվյալի է հասել, այլ թե այդ շահերն ու ամբիցիաները հիմա, այսօր հողի վրա, ինչպե՞ս եք ծառայեցնելու հենց այս ժողովրդի 80%-ի շահերին ու նպատակներին:

Ամենայն հարգանքով:

Ձեր հարաբերությունների պատմությունը, շերտերը, ենթատեքստերը, հիերարխիան, կոշտությունը, սկզբունքայինությունը կարող է և հետաքրքրի ձեր աջակիցներին և նվիրյալներին և դառնա ամուր հիմք ձեր մասին իրենց քաղաքական պատկերացումներում և դա բնական է: Այդ հիմքերում հակասությունների և խնդրահարույց բնույթի ծավալը, թե մեծացնողը և թե փոքրացնողը կրկին դուք եք: Այդ ծավալը կրկին և կրկին չի հետաքրքրելու 80%-ին, բայց այդ հակասությունների ծավալից օգտվելու են բացառապես նրանք, ովքեր քանդում են այս պետության ինստիտուցիոնալ հիմքերն ու բնույթը: Արդեն օգտվում են:
Կրկին, Ձեր տանելի սիներգիան ինձ պետք է այս երկրի ինստիտուցիոնալ հիշողության, գերակայությունների երկաթ բետոնյա հիմքի ամրության համար և այդ հիմքերը ինքնամոռաց քանդողների ջրաղացի ջուրը կտրելու համար:

Հարգանքներս.

Քաղաքական գիտությունների թեկնածու, դոցենտ Վ.Է.Մարտիրոսյան»»:

Մեծ Բրիտանիայի  վարչապետ Քիր Սթարմերը, Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցը, Կանադայի վարչապետ Ջասթին Թրյուդոն, Եվրահանձնաժողովի նախագահ Ուրսուլա ֆոն դեր Լեյենը, Ուկրաինայի նախագահ Վլադիմիր Զելենսկին, Իտալիայի վարչապետ Ջորջիա Մելոնին, ՆԱՏՕ-ի գլխավոր քարտուղար Մարկ Ռյուտեն գտնվում են Լոնդոնում, որտեղ կայանալու է Ուկրաինային հետագա աջակցության հարցով գագաթնաժողովը:

Հանդիպմանը, որը կազմակերպել է Մեծ Բրիտանիայի վարչապետ Քիր Սթարմերը, մասնակցում են 18 երկրների ու դաշինքների ներկայացուցիչներ։ 

Սթարմերը ասել է, որ Մեծ Բրիտանիան և Ֆրանսիան կաշխատեն Ուկրաինայի հետ «ռազմական գործողությունները դադարեցնելու ծրագրի վրա», իսկ հետո այն կքննարկեն Միացյալ Նահանգների հետ: Սթարմերը BBC-ին ասել է, որ իր հիմնական նպատակն այժմ «կամուրջ» դառնալն է Զելենսկու և ԱՄՆ նախագահ Դոնալդ Թրամփի միջև: 

Նրա խոսքով՝  Սպիտակ տան Օվալաձև աշխատասենյակում տեղի ունեցած վիճաբանությունից անմիջապես հետո ինքը զանգահարել է և՛ Միացյալ Նահանգների նախագահին, և՛ Ուկրաինայի նախագահին:

«Իմ արձագանքն այն էր. մենք պետք է կամուրջներ կառուցենք, պետք է ճանապարհ գտնենք միասին աշխատելու համար: Քանի որ վերջիվերջո մենք երեք տարի է՝ ունենք արյունալի հակամարտություն, և մենք պետք է հասնենք կայուն խաղաղության»,- ասել է Սթարմերը:

Հիշեցնենք, որ փետրվարի 28-ին Սպիտակ տանը թեժ լեզվակռիվ է տեղի ունեցել Թրամփի, փոխնախագահ Ջեյ Դի Վենսի  և Զելենսկու միջև, ինչի հետևանքով Ուկրաինայի ղեկավարը վաղաժամ լքել է Սպիտակ տունը՝ առանց որևէ փաստաթուղթ ստորագրելու: ԱՄՆ նախագահը Զելենսկուն մեղադրել է «երրորդ համաշխարհային պատերազմի հետ խաղաղու, ԱՄՆ-ի օգնությունը չգնահատելու և հրադադար չցանկանալու համար»։ Ավելի ուշ Թրամփը հայտնել է, որ «Զելենսկին պատրաստ չէ խաղաղության»։ 

ՌԴ ԱԳՆ տեղեկատվության և մամուլի վարչությունը, ի պատասխան «Վերելք» տեղեկատվական-վերլուծական կենտրոնի հարցման, մեկնաբանել է Արցախի նախկին պետնախարար Ռուբեն Վարդանյանի և ԼՂՀ ռազմաքաղաքական ղեկավարության այլ ներկայացուցիչների նկատմամբ, այսպես կոչված, «դատավարությունը»։

«Բաքվում մարդու իրավունքների կոպիտ խախտումներով ընթանում է Արցախի նախկին ղեկավարության դատավարությունը։ Ռուբեն Վարդանյանը որոշել է հացադուլ հայտարարել՝ ի նշան բողոքի դատական ​​ֆարսի դեմ՝ ի պատասխան միջազգային և ադրբեջանական դատավարական իրավունքի կոպիտ խախտումների։ Ես հասկանում եմ, որ Ռուբեն Վարդանյանը և Արցախի նախկին ղեկավարները Ռուսաստանի Դաշնության քաղաքացիներ չեն։ Բայց հաշվի առնելով հակամարտության կարգավորման հարցում Ռուսաստանի երկարամյա միջնորդությունը, ռուսաստանցի խաղաղապահների համագործակցությունը Արցախի իշխանությունների հետ, կարո՞ղ է, արդյոք, Մոսկվան օգնել ազատել այս մարդկանց, որոնց տարրական իրավունքներն այժմ կոպտորեն խախտվում են, իսկ Ադրբեջանի իշխանությունների կողմից նրանց առաջադրված մեղադրանքներն անուղղակիորեն դիպչում են նաև Ռուսաստանին»,- հարցրել է լրատվամիջոցի թղթակիցը։

«Նախորդ ճեպազրույցներում մենք մեկնաբանել ենք այս թեման։ Ինչպես ճիշտ նկատեցիք, նշված անձինք Ռուսաստանի քաղաքացիներ չեն։

Վստահ ենք, որ հայ-ադրբեջանական երկկողմ բանակցությունների օրակարգում հումանիտար հարցերի ընդգրկումը կնպաստի Բաքվի և Երևանի միջև վստահության մթնոլորտի ձևավորմանը։

Մեր հերթին, հաստատում ենք մեր հավատարմությունը Ռուսաստանի, Ադրբեջանի և Հայաստանի ղեկավարների եռակողմ պայմանավորվածություններին, այդ թվում այնպիսի հարցերի լուծման անհրաժեշտությանը, ինչպիսիք են փախստականների իրավունքների հարգումը, մշակութային, պատմական և կրոնական ժառանգության պահպանումը, մարտական գործողությունների ընթացքում անհայտ կորածների որոնումը և կալանավորների փոխանակումը: Մենք պատրաստ ենք մեր ադրբեջանցի և հայ գործընկերներին տրամադրել նրանց անհրաժեշտ օգնությունը»,- ասված է ՌԴ ԱԳՆ տեղեկատվության և մամուլի բաժնի պատասխանում։

Սուպերմոդել Իրինա Շեյքը հանրությանը ներկայացել է առանց կրծկալի։ Նա լուսանկարներով կիսվել է Instagram-ում։ Իրինա Շեյքը կեցվածք է ընդունել սև բաճկոնով և տաբատով՝ հրաժարվելով կրծկալից։  

Իրինա Շեյքը 2017 թվականի մարտին լույս աշխարհ է բերել դստերը՝ Լեյային հոլիվուդյան դերասան Բրեդլի Կուպերից։ Երկու տարի անց արտիստը և սուպերմոդելը բաժանվեցին, բայց դատարանում պայմանավորվեցին համատեղ խնամակալություն տանձնել իրենց դստեր նկատմամբ և երբեմն նույնիսկ միասին ներկայանալ հանրությանը:

Նոր կասկածյալներ են հայտնվել Աբխազիայում բնակվող հայերի, ռուսների և ՌԴ քաղաքացիություն ունեցող աբխազների նկատմամբ սպառնալիքների վերաբերյալ քրեական գործում: Այս մասին հայտարարել է Ռուսաստանի Քննչական կոմիտեի պաշտոնական ներկայացուցիչ Սվետլանա Պետրենկոն։

Հակահայկական հռետորաբանությունը լցրել էր Աբխազիայի հարթակներն ու սոցիալական ցանցերը նախագահական ընտրությունների առաջին փուլի արդյունքներով։ Իրավիճակը սրվել էր փետրվարի 17-ին, երբ սոցիալական ցանցերում տարածվել է մի ձայնագրություն, որում, մասնավորապես, Աբխազիայի նախագահի պաշտոնի ընդդիմադիր թեկնածու Ադգուր Արձինբայի կողմնակից Էնվեր Բգանբան (նույն ինքը ՝ Աբխազիայի նախագահի պաշտոնակատարի զարմիկը) կոչ էր արել «զբաղվել» հայերով.«Հայերի հետ պետք է այլ կերպ աշխատել։ Նրանց պետք է միայն վախեցնել...»։

Ռուսաստանի Քննչական կոմիտեն սկսել է ստուգել Աբխազիայի նախագահի ժամանակավոր պաշտոնակատարի եղբորորդուն՝ Բգանբային, ատելության և թշնամանքի հրահրման քրեական գործով։ Հետաքննության մեջ լուրջ առաջընթաց կա, հայտնել Է Պետրենկոն։

Նրա խոսքով՝ ընտրությունների երկրորդ փուլի և արդյունքների հետագա հաշվարկի ընթացքում նոր հարձակումներ են տեղի ունեցել նաև Աբխազիայի քաղաքացիություն ունեցող Ռուսաստանի քաղաքացիների վրա: Արձանագրվել են կյանքին սպառնացող, կամարտահայտությանը խոչընդոտելու մի քանի փաստեր, մասնավորապես՝ քվեաթերթիկների քվեատուփերը վնասելու միջոցով։

Մի դեպքում կրակել են իրավապահների ուղղությամբ։ Պետրենկոն պարզաբանել է, որ հարձակվողներից մի քանիսը ձերբակալվել են, զգալի թվով կասկածյալներ են հայտնաբերվել, և ակտիվ աշխատանքներ են տարվում բոլոր ներգրավվածներին կալանավորելու ուղղությամբ։

Քրեական գործեր են հարուցվել ՌԴ Քրեական օրենսգրքի մի շարք հոդվածներով, այդ թվում՝ ահաբեկչություն։

Հայաստանի Հանրապետության տարածքում մարտի 2-ի ցերեկն ու 3-ի գիշերը սպասվում է առանց տեղումների եղանակ։ Քամին հյուսիսարևմտյան՝ 2-5մ/վ, մարտի 2-ին սպասվում է քամու ուժգնացում՝ 12-15մ/վ, մարտի 3-ին և 6-ին ՝ 15-18մ/վ արագությամբ, լեռնային շրջաններում՝ բուք, ցածր հորիզոնական տեսանելիություն։

Երևանում մարտի 2-ին ու 3-ի գիշերը սպասվում է առանց տեղումների եղանակ։

Օդի ջերմաստիճանը մայրաքաղաքում կլինի այսօր ցերեկը +3-ից +5, երեկոյան՝ -2-ից -4 աստիճան։

Ռուսական զորքերը խոցել են ռազմական օդանավակայանների ենթակառուցվածքները, գազի վերամշակման օբյեկտները, որոնք ապահովում են Ուկրաինայի ռազմաարդյունաբերական ոլորտի ձեռնարկությունների աշխատանքը, հայտնել են ՌԴ ՊՆ-ից:

«Օպերատիվ-մարտավարական ավիացիան, հարվածային ԱԹՍ-ները, հրթիռային զորքերն ու ՌԴ ԶՈւ զորքերի խմբավորումների հրետանին խոցել են ռազմական օդանավակայանների ենթակառուցվածքները, Ուկրաինայի ռազմարդյունաբերական ոլորտի ձեռնարկությունների աշխատանքն ապահովող գազավերամշակման օբյեկտները, ԱԹՍ-ների արտադրամասերն ու դրանց պահպանման վայրերը, ինչպես նաև Ուկրաինայի զինված ուժերի կենդանի ուժի և տեխնիկայի կուտակումները 147 շրջաններում»,-ասված է նախարարության ամփոփագրում:

Գերատեսչությունում նշել են, որ հակաօդային պաշտպանության միջոցներով խոցվել է 62 ինքնաթիռային տիպի ԱԹՍ:հմանել Ռուսաստանի դեմ։

Իսրայելի բանակը (ՑԱԽԱԼ) հայտարարել է Գազայի հատվածի հյուսիսին հարվածներ հասցնելու մասին՝ «սպառնալիքները վերացնելու համար»:

Բանակի Telegram-ալիքում հրապարակված հայտարարության համաձայն՝ այսօր մի քանի կասկածելի անձինք փորձել են պայթուցիկ սարք տեղադրել Գազայի հատվածի հյուսիսային հատվածում, որտեղ գտնվում էին իսրայելցի զինվորականները:

«Այսօր ավելի վաղ մի քանի կասկածյալներ գործում էին Գազայի հատվածի հյուսիսում ՑԱԽԱԼ-ի զորքերի մոտ և նույնականացվել են որպես այդ շրջանում պայթուցիկ սարք տեղադրած անձինք։ Սպառնալիքը կանխելու համար ռազմաօդային ուժերը հարվածներ են հասցրել կասկածյալներին»,-ասվում է իսրայելական բանակի հայտարարության մեջ։

Հունվարի 19-ից Գազայի հատվածում հրադադարի ռեժիմ է գործում Իսրայելի և ՀԱՄԱՍ-ի միջև՝ պաղեստինցի բանտարկյալների դիմաց իսրայելցի պատանդներին ազատելու մասին համաձայնագրի շրջանակներում: Համաձայնագրի երաշխավորներն են Կատարը, Եգիպտոսը և ԱՄՆ-ն, որոնք համակարգող կենտրոն են ստեղծել Կահիրեում:

Թուրքիայի իշխող «Արդարություն և զարգացում» կուսակցության փոխնախագահ Հուսեյն Յայմանը հայտարարել է, որ կուսակցությունը դիտարկում է նախագահ Ռեջեփ Թայիփ Էրդողանին 2027 թվականի նոյեմբերին կայանալիք արտահերթ նախագահական ընտրություններում կրկին առաջադրելու հեռանկարը։ Այս մասին, ՏԱՍՍ-ի փոխանցմամբ, հայտնել է IHA գործակալությունը։

«Մենք հուսով ենք, որ կրկին կառաջադրենք մեր նախագահին 2027 թվականի նոյեմբերին կայանալիք ընտրություններում: Այլ թեկնածուի կարիք չկա: Հաջորդ ընտրություններում մենք կրկին մեր նախագահին կդարձնենք երկրի ղեկավար», - ասել է նա Անթալիայում ԱԶԿ անդամների հետ հանդիպման ժամանակ։

Քաղաքական գործիչը նշել է, որ Էրդողանի թեկնածությունը առաջադրելու է Հանրապետական ​​դաշինքը, որի կազմում են ԱԶԿ-ն և Ազգայնական շարժում կուսակցությունը։

Փետրվարի վերջին Türkiye թերթը, վկայակոչելով ԱԶԿ-ի ներքին կուսակցական քննարկումները, հայտնել էր, որ իշխող կուսակցության անդամները ոչ պաշտոնական քննարկում են 2027 թվականի աշնանը արտահերթ նախագահական և խորհրդարանական ընտրություններ անցկացնելու տարբերակը։ 

Նշվում է, որ ԱԶԿ-ն մտադիր է կրկին Էրդողանին առաջադրել որպես բարձրագույն պաշտոնի թեկնածու: Թուրքիայի Սահմանադրության համաձայն՝ 2028 թվականին, երբ նախատեսվում են ընտրություններ, նա այլևս չի կարողանա մրցել նախագահի պաշտոնի համար, սակայն արտահերթ ընտրությունների դեպքում նա կունենա այդ իրավունքը։

Պաշտոնապես ԱԶԿ-ն և երկրի ղեկավարությունը մինչ այժմ հայտարարել են, որ արտահերթ ընտրությունների հարց օրակարգում չկա։

Հարավային Կովկասում տրանսպորտային շրջափակման վերացման հարցում ուժային տարբերակն անընդունելի է. այս հարցի վերաբերյալ Մոսկվայի դիրքորոշումը հայտնի է. այս մասին «Վերելք» տեղեկատվական և վերլուծական կենտրոնի հարցմանն ի պատասխան ասել է ՌԴ ԱԳՆ-ն:

Գերատեսչությունը մեկնաբանել է հնդկական ԶԼՄ-ների հրապարակումն այն մասին, որ Ադրբեջանը ծրագրում է Թուրքիայի աջակցությամբ ռազմական գործողություններ սկսել՝ «Զանգեզուրի միջանցքը» բացելու համար: Ըստ հնդկական ԶԼՄ-ների՝ այդ մասին ասված է Ուկրաինայի Գլխավոր հետախուզական վարչության գաղտնի փաստաթղթերում:

«Մեր դիրքորոշումը Հարավային Կովկասում տրանսպորտային շրջափակման վերացման վերաբերյալ հայտնի է: Մենք հետևողականորեն հանդես ենք գալիս տարածաշրջանում տրանսպորտային և տնտեսական կապերի համապարփակ ապաշրջափակման օգտին՝ 2020-2022 թվականներին Ռուսաստանի, Ադրբեջանի և Հայաստանի ղեկավարների միջև ձեռք բերված եռակողմ հայտարարությունների, ինչպես նաև Ռուսաստանի, Ադրբեջանի և Հայաստանի փոխվարչապետների համանախագահությամբ պրոֆիլային Եռակողմ աշխատանքային խմբի շրջանակում ձեռք բերված համապատասխան պայմանավորվածությունների հիման վրա, ներառյալ՝ իրենց տարածքով անցնող երթուղիների նկատմամբ երկրների ինքնիշխանության և իրավասության ամրապնդման հարցը: 

Այլ տարբերակներ, այդ թվում՝ ուժային, ընդունելի չեն։ Այս մասին մենք պարբերաբար խոսում ենք ինչպես հրապարակավ, այնպես էլ մեր գործընկերների հետ շփումներում:

Ինչ վերաբերում է հնդկական լրատվամիջոցներին հղումով Ձեր հարցում նշված «ծրագրին», ապա մենք դա համարում ենք Կիևի վարչակարգի կործանարար գործողությունների հերթական դրսևորումը, որը նման կեղծ լուրերի միջոցով փորձում է արհեստականորեն դժվարություններ ստեղծել Ռուսաստանի համար Անդրկովկասում մեր հարևանների հետ հարաբերություններում, միևնույն ժամանակ շեղել օտարերկրյա հանրության ուշադրությունը ռազմաճակատում Ուկրաինայի զինված ուժերի իրական խնդիրներից», - ասվում է ՌԴ ԱԳՆ պատասխանում։