Ֆրանսիան և Մեծ Բրիտանիան առաջարկում են Ուկրաինայում սահմանել մարտական ​​գործողությունների մորատորիում, որը կտարածվի օդի, ծովի վրա և կտևի մեկ ամիս։ Այդ մասին Ֆրանսիայի նախագահ Էմանուել Մակրոնը հայտնել է Le Figaro թերթին տված հարցազրույցում:

Նրա խոսքով՝ մորատորիումը առաջարկվում է տարածել նաև էներգետիկ ենթակառուցվածքների դեմ հարձակումների վրա։

Մակրոնը նշել է, որ առաջարկը չի վերաբերի ցամաքում ռազմական գործողությունների վրա, քանի որ ճակատային գծի երկարությունը «զուգադրելի է Փարիզից Բուդապեշտ հեռավորության հետ», ուստի հրադադարի պահպանման ստուգումը նման հատվածում «չափազանց բարդ կլինի»:

Մակրոնը նաև հայտարարել է, որ ակնկալում է երկխոսության վերականգնում ԱՄՆ և Ուկրաինայի նախագահներ Դոնալդ Թրամփի և Վոլոդիմիր Զելենսկիի միջև:

Կիրակի ամերիկյան Firefly Aerospace մասնավոր ընկերությունն իր Blue Ghost տիեզերական մոդուլը բարեհաջող իջեցրել է Լուսնի մակերեսին։ Փոքր մեքենային չափով սարքը վայրէջք է կատարել Լուսնի՝ Երկրին նայող կողմի հյուսիս-արևելյան մասում գտնվող մեծ իջվածքի մոտ՝ «Ճգնաժամի ծով» կոչվող հարթավայրում, հայտնում է  BBC-ն:

Երկու շաբաթվա ընթացքում սարքը հետազոտություններ կանցկացնի՝ օգտագործելով 10 գիտական ​​գործիք:

Մոդուլը հագեցած է արևային մարտկոցներով, որոնք դրա հետազոտական ​​գործիքները սնուցելու են 14 օր: Այնուհետև կսկսվի լուսնային գիշերը, և Երկրի բնական արբանյակի մակերեսի վրա ջերմաստիճանը կնվազի մինչև մինուս 173 աստիճան ըստ Ցելսիուսի սանդղակի:

Firefly-ն դարձել է երկրորդ մասնավոր ընկերությունը, որի սարքը բարեհաջող վայրէջք է կատարել Լուսնի վրա: Առայժմ Լուսնի վրա վայրէջք են կատարել հինգ երկրների տիեզերանավեր՝ Խորհրդային Միության, ԱՄՆ-ի, Չինաստանի, Հնդկաստանի և Ճապոնիայի։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մարտի 3-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևան քաղաք՝

11։00-17:00 Շիրազի փ. 18, 20, 22, 24, 26, 28, 30, 32 շենքեր, Բ-2 թաղ 42, 43, 44Ա, 45 շենքեր, Բաբաջանյան փ. 125, 129, 131, 133, 143, 155 շենքեր, Մալխասյանց փ. 1, 3-19/2, 51-62 շենքեր և 5-25 առանձնատներ, Էմինի փ. 1-9 առանձնատներ, Մամիկոնյանց փ. 47-49/1 շենքեր, Նոր Նորք 2-րդ զանգ.՝ Մոլդովական փ. 49/48, 49/53, 49/57 շենքեր և հարակից տարածքների առանձնատներ, «Էմօշին», «Նոր Թաղամաս», «Ջասթ Դիվելսփեր», «ՔՍ Քոնսթրաքշն» ՍՊԸ-ներ և հարակից ոչ բնակիչ-բաժանորդներ, Վարդաշեն 1 փողոց 2-50 (զույգ); 2 փողոց 1-22; 5 փողոց 1-37 առանձնատներ և հարակից ոչ բնակիչ-բաժանորդներ,

Արարատի մարզ՝

10։00-13:00 Արալեզ գյուղ մասնակի,

10։00-13:30 Աբովյան գյուղ մասնակի,

Վայոց Ձորի մարզ՝

10։30-12։30 Քարագլուխ և Արենի գյուղեր մասնակի,

Կոտայքի մարզ՝

10։00-11:00 Կարենիս համայնք, Ավետարանի, Հավատքի, Քրիստոնեական Եկեղեցի, «Արտսոն Գրուպ» ՍՊԸ, «Յուքոմ» ընկերության բջջային օպերատորի կայան և հարակից ոչ բնակիչ-բաժանորդներ,

10։00-15:00 Չարենցավան համայնք՝ 3-րդ թաղամաս 23-27 շենքեր և հարակից ոչ բնակիչ-բաժանորդներ,

11։00-15:00 Բջնի համայնք, «Վիվա-Արմենիա», «Տելեկոմ Արմենիա», «Յուքոմ» ընկերությունների բջջային օպերատորների կայաններ և հարակից ոչ բնակիչ-բաժանորդներ,

11։00-17։00 Ձորաղբյուր, Արամուս գյուղեր և հարակից ոչ բնակիչ-բաժանորդներ,

Գեղարքունիքի մարզ՝

10։00-16:00 Զովաբեր գյուղն ամբողջությամբ,

11։00-16:30 Երանոս բնակավայրերն ամբողջությամբ,

Շիրակի մարզ՝

11:00-17:00 Անիի տարածաշրջանի՝ Անիավան, Անիպեմզա գյուղեր, Գյումրի քաղաք՝ Մ․ Խորենացի փողոց, Հյուսիս-Արևմտյան հատվածի Մարամաշենի խճուղուց մինչև Սախարովի հրապարակի միջակայք և հարակից ոչ բնակիչ-բաժանորդներ,

Սյունիքի մարզ՝

10:00-11:30 Քաջարան քաղաք՝ Չարենցի փ. 4, 5 շենքեր, Շահումյան փ. 8, 9 շենքեր:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ ոլարի առքի առավելագույն արժեքն է 392.5 դրամ, վաճառքի նվազագույն արժեքը՝ 396 դրամ:

Եվրոյի առքի առավելագույն արժեքն է 408 դրամ, վաճառքի նվազագույն արժեքը՝ 414 դրամ:

Ռուսական ռուբլու առքի առավելագույն արժեքն է 4.39 դրամ, վաճառքի նվազագույն արժեքը՝ 4.45 դրամ:

Գարեգին Բ Ամենայն Հայոց կաթողիկոսն ուղերձ է հղել Մեծ Պահքի առիթով.

«Սիրելիներ,

Մուտք ենք գործում Մեծ Պահքի շրջան, որը աղոթքի, ինքնաքննության, զղջումի ու ապաշխարության ճանապարհով առաջնորդելու է մեզ դեպի մարդեղացյալ մեր Տեր Հիսուս Քրիստոսի հրաշափառ Հարության խնդություն։

Պահեցողությունը առիթ ու հնարավորություն է առավել զորացնելու մեր հոգիները, ամրապնդելու մեր կամքը, սրբվելու մեղքից, մերժելու արատավոր ընթացքները, աննկուն մնալու հավատով ու ոգով և ապրելու Աստծո պատվիրաններով: Պահքի աղոթական պտուղը մաքրությունն է սրտի, որը ձգտում է կատարելության՝ ըստ տերունական կոչի. «Կատարյալ եղեք դուք, ինչպես որ ձեր երկնավոր Հայրն է կատարյալ» (Մատթ. 5.48)։

Այսպես կարող պիտի լինենք, ունկնդիր Մեծ Պահքի խորհրդին և Պահոց կիրակիների պատգամներին, հաստատելու մեր կյանքը աստվածապատվեր սիրո, արդարության ու բարության շավիղներում։ Յուրաքանչյուր հավատացյալի աստվածահաճո կենցաղավարությամբ է նաև, որ հավելվում է մեր ժողովրդի ներուժը՝ Տիրոջն ապավինած դիմագրավելու առկա մարտահրավերները և դառնալու զորեղ ազգ ու պետություն։

Հայցենք, որ Փրկչի Սուրբ Հարության կենարար շնորհներով վերափոխվենք և շեն ու պայծառ դարձնենք ազգային մեր կյանքը։ Թող Աստծո ամենախնամ Սուրբ Աջի ներքո խաղաղ ու անվտանգ լինի մեր հայրենիքը, և բարօր ու ապահով՝ համայն մեր ժողովուրդը ի հայրենիս և ի սփյուռս, այսօր և միշտ. ամեն»:

Ամերիկացի ռեժիսոր Շոն Բեյքերի «Անորա» ֆիլմը՝ հայ դերասաններ Կարեն Կարագուլյանի և Վաչե Թովմասյանի մասնակցությամբ, արժանացել է «Օսկար»-ի՝ «Լավագույն ֆիլմ», ինչպես նաև մի քանի այլ անվանակարգերում՝ ստանալով, ընդհանուր առմամբ, 5 «Օսկար»։

Ամերիկյան Կինոարվեստի և գիտության ակադեմիայի «Օսկար» 97-րդ մրցանակաբաշխությունը տեղի է ունեցել կիրակի՝ մարտի 2-ին, Լոս Անջելեսի Dolby Theatre-ում։

Լոնդոնում ավարտվել է Ուկրաինայի հարցով եվրոպական գագաթնաժողովը, որը տևել է մոտ երկու ժամ։ Գագաթնաժողովի մասնակիցները հերթով հեռանում են Լանկասթեր Հաուսից։ Սպասվում է, որ Ուկրաինայի նախագահՎլադիմիր Զելենսկին կմեկնի Սանդրինգհեմ՝ հանդիպելու թագավոր Չառլզ III-ի հետ։

Ինչպես նշում է BBC-ն, Եվրահանձնաժողովի ղեկավար Ուրսուլա ֆոն դեր Լեյենը Լոնդոնում եվրոպացի առաջնորդների գագաթնաժողովը որակել է որպես «լավ և անկեղծ քննարկում»։

Նրա խոսքով, առաջնորդները քննարկել են Կիևի համար անվտանգության համապարփակ երաշխիքների անհրաժեշտությունը, այդ թվում՝ Ուկրաինային ուժեղ դիրք հաղորդելը և նրան «ամրապնդելու և պաշտպանելու» միջոցներ տրամադրելը։

Ֆոն դեր Լեյենն ասել է.«Մենք պետք է ուժեղացնենք մեր պաշտպանությունը... մենք պետք է հսկայական քայլ անենք առաջ»: Նա հավելել է, որ անհրաժեշտ է հստակ ծրագիր Եվրամիության կողմից և համաեվրոպական մոտեցում:

«Այժմ մեզ համար չափազանց կարևոր է մեծացնել ծախսերը… կարևոր է նախապատրաստվել վատագույնին», - ասել է Ուրսուլա ֆոն դեր Լեյենը:

Նա նաև դիմել է ԱՄՆ նախագահ Դոնալդ Թրամփին Լոնդոնից՝ ասելով. «Մենք պատրաստ ենք Ձեզ հետ կանգնել՝ պաշտպանելու ժողովրդավարությունը, պաշտպանելու օրենքի գերակայության սկզբունքը, ըստ որի՝ չի կարելի ներխուժել հարևանի տարածք կամ ուժով փոխել սահմանները: Մեր ընդհանուր շահերից է բխում կանխել ապագա պատերազմները»:

Գագաթնաժողովից առաջ ՆԱՏՕ-ի ղեկավար Մարկ Ռյուտեն X սոցիալական ցանցում թվարկել է երեք հիմնական կետ. առաջինն այն է, որ «Եվրոպայում բոլորը պետք է ավելին անեն» Ուկրաինային աջակցելու համար:

«Մենք բոլորս ցանկանում ենք խաղաղության համաձայնագիր, և այն պետք է լինի երկարաժամկետ», - գրել է Ռյուտեն՝ հավելելով, որ Եվրոպան «իսկապես ակտիվացել է»։

Ռյուտեն նաև նշել է, որ «ՆԱՏՕ-ն ուժեղ պահելու համար Եվրոպան կավելացնի պաշտպանական ծախսերը»:

ԱՄՆ նախագահ Դոնալդ Թրամփի հայտարարությունից հետո Bitcoin կրիպտոարժույթի գինը բարձրացել է ավելի քան 10%-ով՝ գերազանցելով 93,600 դոլարը, վկայում են  Binance հարթակի տվյալները:

Նշենք, որ Թրամփը նախաձեռնել է ԱՄՆ կրիպտոարժույթների ռազմավարական պահուստի ստեղծումը: Պահուստը կներառի Bitcoin-ը, Ethereum-ը, XRP, SOL, ADA թոքենները և այլ արժեքավոր արժույթներ։ Համապատասխան հրապարակումն արվել է Truth Social սոցկայքոմ:

Պահուստը կներառի Bitcoin-ը, Ethereum-ը, XRP, SOL, ADA թոքենները և այլ արժեքավոր արժույթներ։ Այս քայլի նպատակն ԱՄՆ-ն կրիպտոարժույթների համաշխարհային կենտրոն դարձնելն է։

ՀՀ վարչապետ Նիկոլ Փաշինյանը կրկին տրանսպորտով է երթևեկել։

Այս մասին տեղեկանում ենք նրա ֆեյսբուքյան էջից։

«Գարնան առաջին աշխատանքային օրը այսպես սկսեցի»,-տեսանյութին կից գրել է նա։