Եվրամիության արտաքին քաղաքականության պատասխանատու Ժոզեպ Բորելը հայտարարել է, որ եթե Ռուսաստանը միջուկային զենք օգտագործի, ապա Արևմուտքը կոչնչացնի ռուսական բանակը՝ առանց նման զենքի դիմելու։ Այս մասին հաղորդում է BBC-ն։ «Պուտինն ասում է, որ ինքը բլեֆ չի անում: Այսպիսով, նա չի կարող իրեն թույլ տալ բլեֆ անել: Եվ պետք է պարզ լինի, որ այն մարդիկ, ովքեր աջակցում են Ուկրաինային, ԵՄ-ին անդամ երկրների հետ և ԱՄՆ-ին ՆԱՏՕ-ի հետ, նույնպես բլեֆ չեն անում»,- ասել է Բորելը: «Ուկրաինայի դեմ ցանկացած միջուկային հարձակում կառաջացնի պատասխան՝ ոչ թե միջուկային, այլ ռազմական պատասխան, այնքան հզոր, որ ռուսական բանակը կոչնչանա»,- հավելել է նա։
ՆԱՏՕ-ի գլխավոր քարտուղար Յենս Սթոլթենբերգը նույնպես զգուշացրել է, որ եթե Ռուսաստանը միջուկային զենք օգտագործի, ապա դա «կանցնի շատ կարևոր գիծ»՝ «լուրջ հետևանքներով»։
0Comments