«Վարորդի ընկեր» հասարակական կազմակերպության համահիմնադիր, Ճանապարհային ոստիկանության պետին կից հասարակական խորհրդի անդամ Սերգեյ Ղահրամանյանը ներկայացրել է այս տարվա հինգ ամիսների ճանապարհատրանսպորտային պատահարների վիճակագրությունը: Նշելով, որ պատահարների աճի միտում կա՝ Ղահրամանյանը պարզաբանել է, թե ինչի հետևանք կարող է լինել դա:
«Այս տարվա 5 ամիսների ընթացքում ունեցել ենք 1663 ճանապարհատրանսպորտային պատահար, 122 զոհ, 2413 վիրավոր: Նախորդ տարվա նույն ժամանակահատվածում ունեցել ենք 1362 ՃՏՊ, 114 զոհ, 1976 վիրավոր: Նախորդ տարվա համեմատ, կարծում եմ, այս տարի էլ ավելի շատ զոհեր կունենանք, ցավալի է, իհարկե:
Բայց նման երթևեկության պայմաններում այլ բան սպասելի չէ: Պատճառները շատ-շատ են, բազմազան: Դա գալիս է տարիներ շարունակ այլ մեխանիզմներով վարորդական իրավունք ձեռք բերելուց, անպատժելիության մթնոլորտից, որ կար որոշ ժամանակահատված, դրան գումարած՝ համաներում, մեղմ քաղաքականություն»,- ասաց նա:
0Comments