Ֆրանսիայի խորհրդարանի աջակողմյան «Ազգային միավորում» խմբակցության ղեկավար Մարին Լը Պենը հայտարարել է, որ պատրաստվում է Ֆրանսիայում արտահերթ նախագահական ընտրություններին, քանի որ, իր կարծիքով, Էմանուել Մակրոնն ամբողջությամբ կորցրել է ազդեցությունն ինչպես երկրում, այնպես էլ միջազգային ասպարեզում, ներառյալ ԵՄ-ն, և կարող է հեռանալ իր մանդատի ավարտից շուտ: Այս մասին փոխանում է ՌԻԱ «Նովոստին»:
«Էմանուել Մակրոնի համար ամեն ինչ ավարտված է։ Իմ խոսքերը դաժան չեն, դա ինստիտուցիոնալ իրականություն է։ Նա նույնիսկ զրկվել է վարչապետ նշանակելու կարողությունից»,-նշել է նա։
Լը Պենը հավելել է, որ կան «շատ պատճառներ, որոնք կարող են հանգեցնել նրան, որ Մակրոնը վաղաժամկետ դադարեցնի իր մանդատը»։
Ավելի վաղ Մարին Լը Պենը հայտարարել էր, որ եթե իրեն թույլ չտան մասնակցել ընտրություններին, պետության հաջորդ նախագահը կարող է լինել ոչ լեգիտիմ:
0Comments