ՌԴ նախագահ Վլադիմիր Պուտինը մարտի 24-ին երկրում համազգային սուգ է հայտարարել մարտի 22-ի երեկոյան Մոսկվայում տեղի ունեցած ահաբեկչության պատճառով։ Ողբերգության զոհ է դարձել առնվազն 115 մարդ, ևս 100-ը վիրավորվել են։
«Մարտի 24-ը հայտարարում եմ համազգային սգո օր»,- ասել է պետության ղեկավարը
Հիշեցնենք, որ մարտի 22-ի երեկոյան «Crocus City Hall»-ում տեղի է ունեցել ահաբեկչություն, որի արդյունքում բռնկվել է հրդեհ: Ժամը 21:57-ին ՌԴ Քննչական կոմիտեն հայտարարել է ահաբեկչության դեպքի առթիվ քրեական գործ հարուցելու մասին։
Մարտի 23-ի առավոտյան ՌԴ Քննչական կոմիտեն և ԱԴԾ-ն հայտնել են Ուկրաինայի հետ սահմանից ոչ հեռու Բրյանսկի շրջանում տեղի ունեցած ահաբեկչության չորս կասկածյալների ձերբակալության մասին։ ԱԴԾ տնօրեն Ալեքսանդր Բորտնիկովը նախագահ Պուտինին զեկուցել է, որ ձերբակալվել է 11 մարդ, որոնցից չորսը կասկածվում են հարձակումը կատարելու մեջ։
0Comments