Օքսիտոցին հորմոնը կարող է լինել հիպերսեքսուալության պատճառ

^{Հիպերսեքսուալությամբ տառապող մարդկանց շրջանում անցկացված հետազոտությունը ցույց է տվել օքսիտոցին հորմոնի հնարավոր դերը սեռական պաթոլոգիական հակման առաջացման հարցում, տեղեկացնում է Naked-Science-ը՝ հղում կատարելով Epigenetics-ին։}

^{Տարբեր գնահատականներով՝ հիպերսեքսուալությունը կամ բարձր սեռական հակումը հատկանշական է Երկրի ողջ բնակչության 3-6 տոկոսին։ Այդ վիճակը բնութագրվում է սեւեռուն մտքերով սեքսի մասին, կոմպուլսիվ սեռական ակտերով եւ անպատասխանատու սեռական վարքով։ Թեեւ շատ հեղինակներ հիպերսեքսուալությունը կախվածություն չեն համարում, այն ներառված է Հիվանդությունների գործող միջազգային վիճակագրական դասակարգման եւ Հիվանդությունների միջազգային դասակարգում – 10-ի մեջ։}

^{Հիպերսեքսուալության նյարդակենսաբանական ասպեկտների մասին քիչ բան է հայտնի։ Շվեդ գիտնականները հետազոտել են էպիգենետիկ մեխանիզմները, որոնք ազդում են էրոտոմանիայի ձեւավորման վրա։}

^{Փորձերի ընթացքում ուսումնասիրվել են ԴՆԹ մեթիլավորման օրինաչափությունները հիպերսեքսուալ խանգարումներ ունեցող 60 եւ 33 առողջ մարդկանց մոտ։ Դիտարկվել են մեթիլավորման 8852 ոլորտներ՝ կապված մոտ գտնվող միկրոՌՆԹ-ների հետ։ Այս խմբում ստացված տվյալները հետո համեմատել են այն տվյալների հետ, որոնք ստացվել են 107 անկախ մարդկանցից, որոնց մոտ հետազոտվել է ԴՆԹ մեթիլավորման եւ ալկոհոլային կախվածության կապը։}

^{Մեթիլավորումը ԴԲԹ մոդիֆիկացիան է առանց նուկլեիդային հետեւողականության։ Մեթիլավորման մեխանիզմներից մեկն ասոցացվել է միկրոՌՆԹ-ի հետ՝ փոքր չկոդավորող ռիբոնուկլեինաթթվի մոլեկուլներ։ ՄիկրոՌՆԹ-ն կարող է հաղթահարել հեմատոէնցեֆալիտային պատնեշը եւ մոդելավորել մի քանի հարյուր տարբեր գեների էքսպրեսիա։ Դրա համար այնտեղ, որտեղ հայտնաբերվել են փոփոխություններ ԴՆԹ մեթիլավորման մեջ, գիտնականները հետազոտել են գեների էքսպրեսիայի մակարդակները՝ կապված միկրոՌՆԹ-ի հետ։}

^{Հետազոտությունն օգնել է  որոշել ԴՆԹ երկու հատվածներ, որոնց մեթիլավորումը խախտվել էր հիպերսեքսուալ պացիենտների մոտ։ Այդ փոփոխությունները պայմանավորված են եղել miR-4456 միկրոՌՆԹ անբավարար էքսպրեսիայով, որն ուղղված է այն գեներին, որոնք մասնակցում են օքսիտոցին հորմոնի սինթեզի կարգավորմանը։}

^{Ավելի վաղ հետազոտությունները ցույց էին տվել, որ օքսիտոցինը մարդկանց եւ պրիմատների մոտ կարեւոր դեր է խաղում սոցիալական վարքագծում, ագրեսիայի եւ սեռական բազմացման հարցերում։ Միեւնույն ժամանակ, ալկոհոլային ադիկցիայի ենթակա փորձարկվողների համեմատությունը ցույց է տվել, որ թե՛ էրոտոմանների, թե՛ ալկոհոլիկների մոտ խախտվում է ԴՆԹ նույն հատվածների մեթիլավորումը։ Այսպիսով, նույն մեխանիզմները կարող են ներգրավված լինել տարբեր ադիկցիաների ձեւավորմանը։}

^{«Հիպերսեքսուալության խանգարման դեպքում miR-4456-ի եւ օքսիտոցինի դերի ուսումնասիրման համար անհրաժեշտ են հետագա հետազոտություններ,- ասում է հետազոտության հեղինակ, պրոֆեսոր Յուսի Յոկինենը։- Բայց մեր արդյունքները ցույց են տալիս, որ (հիպերսեքսուալության բուժման համար) նպատակահարմար կլիներ ուսումնասիրել դեղորայքային թերապիայի եւ հոգեթերապիայի առավելությունները՝ օքսիտոցինի ակտիվությունը նվազեցնելու նպատակով»}։