Ադրբեջանում գտնվող հայ զինծառայողի հարցը զգուշություն է պահանջում. Զոհրաբ Մնացականյան

^{Այս հարցով անմիջապես աշխատում եմ Երեւանի մեր գործըներների հետ՝ ՊՆ, ԱԱԾ, որոնք անմիջական առնչություն ունեն սրան, կա շատ էական դերակատարություն Կարմիր խաչի կողմից։ Այս մասին այսօր՝ սեպտեմբերի 2-ին, Ստեփանակերտում կայացած ասուլիսի ժամանակ ասել է ԱԳ նախարար Զոհրաբ Մնացականյանը՝ ներկայացնելով, թե ինչ քայլեր են ձեռանրկվում ադրբեջանական կողմում հայտնված հայ զինծառայող Արայիկ Ղազարյանին հայրենիք վերդարձնելու ուղղությամբ։}

^{«Հաշվի առնելով հարցի զգայունությունը՝ որոշ զգուշությամբ ենք մոտենում մեր մեկնաբանություններին։ Սա շատ անհանգստացնող հարց է։ Գիտեք, որ մենք ի ցույց դրեցինք մեր մոտեցումը, որ վերաբերում էր նախկին իրավիճակին՝ գերուն, որ հայտնվել էր Հայաստանում, մենք իրականացրինք մեր քայլը եւ նրան վերադարձրինք»,- նշեց նախարարը։}

^{Զոհրաբ Մնացականյանը հայտարարեց նաեւ, որ հայկական կողմի համար շարունակում է շատ անհանգստացնող հանգամանք լինել Կարեն Ղազարյանի ճակատագիրը, «եւ այս իրավիճակը պահանջում է զգուշություն, որովհետեւ մարդկային կյանքի հետ գործ ունենք։ Սա շատ մտահոգիչ է, շարունակելու ենք մաքսիմալ գործադրել բոլոր հնարավոր ջանքերը, որպեսզի լուծումներ գտնենք։}

^{Կներեք, որ ավելին չեմ կարող ասել»,- եզրափակեց նա։}

^{Հիշեցնենք, որ ԱՀ ՊԲ 19-ամյա զինծառայող Արայիկ Ղազարյանը դեռևս չճշտված հանգամանքներում մարտական դիրքը լքել է օգոստոսի 12-ին՝ հայտնվելով Ադրբեջանի տարածքում։}

^{Նշենք, որ ՀՀ քաղաքացի Կարեն Ղազարյանն Ադրբեջանում դատապարտվել է 20 տարվա ազատազրկման: Դատական նիստը տեղի է ունեցել փետրվարի 27-ին: Ադրբեջանում ՀՀ քաղաքացու նկատմամբ մեղադրանքներ են առաջադրվել այդ երկրի քրեական օրենսգրքի մի քանի հոդվածներով՝ սպանություն, ահաբեկչություն, հասարակական կարգի խախտում և այլն։ Կարեն Ղազարյանը քաղաքացիական անձ է, սակայն Ադրբեջանում նա ներկայացվել է որպես դիվերսանտ: 2018 թ. հուլիսին ՀՀ պաշտպանության նախարարությունը պաշտոնապես հայտարարել է, որ Տավուշի Բերդավան գյուղի բնակիչ 1984 թ. ծնված Կարեն Ղազարյանը չի ծառայում և երբեք չի ծառայել ՀՀ զինված ուժերում։ Կարեն Ղազարյանը Հայաստանի Հանրապետության Տավուշի մարզի սահմանամերձ Բերդավան գյուղի բնակիչ է, որևէ առնչություն չունի զինվորական ծառայության հետ, առողջական խնդիրներ ունի և 2013 թվականից հաշվառված է համապատասխան բուժհաստատությունում, գրում է news.am}