ՆԱՏՕ-ն Եվրոպայում միջին հեռահարության ցամաքային տեղակայման հրթիռներ չի տեղակայի

^{ՆԱՏՕ-ի պաշտպանության նախարարները քննարկել են այն հարցը, թե ինչպես զսպել Ռուսաստանին Եվրոպայում պոտենցիալ արագ հրթիռային հարվածից՝ մեկ ամսից Միջին ու փոքր հեռահարության հրթիռների ոչնչացման մասին պայմանագրի խզման դեպքում, հաղորդում է Reuters-ը:}

^{ԱՄՆ-ը մտադիր է դուրս գալ պայմանագրից՝ դա հիմնավորելով Ռուսաստանի կողմից համաձայնագիրը խախտող հրթիռների մշակմամբ:}

^{Մոսկվայում պնդում են, որ գործում են համաձայնագրին համապատասխան:}

^{«Նախարարները պայմանավորվել են, որ ՆԱՏՕ-ն կարձագանքի, եթե Ռուսաստանը չվերադառնա համաձայնագրի պահպանմանը»,- ասել է դաշինքի գլխավոր քարտուղար Յենս Ստոլտենբերգը Բրյուսելում հանդիպումից հետո:}

^{Ամերիկյան եւ բրիտանական հետախուզության տվյալներով՝ Ռուսաստանը SSC-8 թեւավոր հրթիռների փորձարկում է իրականացրել, ինչը խախտում է պայմանագիրը:}