ԱՄՆ Չիկագո քաղաքի «Օ՛Հարա» և «Միդուեյ» միջազգային օդանավակայաններում ավելի քան 1100 չվերթ է չեղարկվել Իլինոիս նահանգին պատուհասած ձնամրրիկի հետևանքով:
Ավելի վաղ հաղորդվել է 600 չեղարկված չվերթի մասին:
«Ձնաբուքը հանգեցրել է չվերթների՝ միջինը 49 րոպե ուշացումներին ու 978 չվերթի չեղարկմանը»,- ասվում է «Օ՛Հարա» օդանավակայանի Twitter-ի էջում:
Իր հերթին, «Միդուեյ» միջազգային օդանավակայանը հայտնել է 148 չվերթի չեղարկման մասին:
Ձնահավաք մեքենաները շարունակում են տարերքի հետևանքների վերացման աշխատանքները, սակայն ուղևորներին խորհորդ է տրվում ստուգել ավիաընկերություններից չվերթի կարգավիճակը:
0Comments