Իսրայելի կործանիչները հարվածել են Ջեբել Աքրում լեռնային շրջանի կամրջին, որը միացնում էր Սիրիային սահմանակից Լիբանանի հյուսիսային Աքքար և Հերմել շրջանները։ Այս մասին հայտնում է El Nashra լրատվական պորտալը։
Ըստ աղբյուրի, այս հարվածն իրականացվել է այն բնակավայրերի վրա օդային հարձակման ընթացքում, որոնք գտնվում էին հարևան Սիրիայի սահմանային անցակետերի մոտ։ Պորտալի տվյալներով, դրանք իրանամետ «Հեզբոլլահ» շիա կազմակերպության համար հենակետեր են ծառայում։
El Nashra-ն նշում է, որ հարձակման արդյունքում կամուրջը ավերվել է, շրջանների միջև տրանսպորտային կապն ընդհատվել է, և Լիբանանի հյուսիսարևելք մարդասիրական օգնություն հասցնելու խնդիր է առաջացել։
Ավելի վաղ Իսրայելը ավիահարվածներ էր հասցրել Լիբանանի մայրաքաղաք Բեյրութի հարավային հատվածում գտնվող «Հեզբոլլահ» խմբավորման թիրախներին։ Այնտեղ առնվազն 10 հզոր պայթյուն է որոտացել։
0Comments