Թրա՞մփը, թե՞ Բայդենի տղան․ Լաս Վեգասն արդեն խաղադրույք է կատարում Ջենիֆեր Լոպեսի նոր ընկերոջ վրա

Մեկ շաբաթ էլ չի անցել, ինչ Ջենիֆեր Լոպեսն ամուսնալուծության հայց է ներկայացրել Բեն Աֆլեքից, սակայն Լաս Վեգասում արդեն խաղադրույքներ են կատարվում, թե ով կդառնա նրա հաջորդ «արքայազնը»։

Bet Online-ում, news.am-ի փոխանցմամբ, խաղադրույքներ են կատարում ռեփեր Էմինեմի վրա՝ հավատալով, որ նա Ջեյ Լոյի հետ հանդիպելու լավագույն հնարավորություններն ունի:

Ռեփերի երկրպագուները կարող են հիշել, որ նա հայտարարել էր Լոպեսի հանդեպ իր սիրո մասին 2000 թվականի «I'm Back» երգում՝ The Marshall Mathers LP-ից:

Երկրորդ տեղում են երգիչ The Weeknd-ը և Լոպեսի նախկին ընկեր Ալեքս Ռոդրիգեսը։

Երրորդ տեղը կիսել է 3 թեկնածու՝ Bad Bunny-ն, Shaboozey-ն և աշխարհի ամենաբարձր վարձատրվող մոդելը՝ Դեյվիդ Գենդին:

Ցուցակում կան բազմաթիվ դերասաններ, այդ թվում՝ Բրեդ Փիթը, Լեոնարդո Դի Կապրիոն և Ալ Պաչինոն։ Կան նաև մի քանի անակնկալ թեկնածուներ, ինչպիսիք են Հանթեր Բայդենը և Դոնալդ Թրամփը: