Խեցգետին
Խեցգետինը համարվում է ամենաինքնամփոփ նշաններից մեկը։ Այդ մարդը վստահում է միայն ամենամտերիմ մարդկանց, նրանց, ում ճանաչում է մանկությունից, և ում բազմիցս ստուգել է ամենաբարդ իրավիճակներում։ Մնացած բոլորի հետ այդ մարդն իրեն մեկուսի է պահում ու ներս չի թողնում իր աշխարհ։
Խեցգետինների ինքնամփոփությունը բավականին հեշտ է բացատրվում։ Ամեն մեկը չէ, որ կարող է հասկանալ տվյալ անձնավորության հոգեկան կազմակերպվածությունը։ Իսկ չհասկացվածությունը խաչ է քաշում մտերմության ու Խեցգետնի կողմից անկեղծության վրա։ Նշենք նաև այն փաստը, որ Խեցգետիններն այլ կերպ են ընկալում շրջապատող աշխարհը։ Եթե մարդկանց մեծամասնության համար կյանքն ուրախ արկած է, որն անընդհատ նորանոր հետաքրքիր էմոցիաներ է պարգևում, ապա Խեցգետնի համար կյանքը ծայրահեղ վտանգավոր շրջան է՝ ուղեկցված շատ մտատանջությունների հետ ու այդ մարդուց մեծ պատասխանատվություն պահանջող։ Ակնհայտ է, որ այդ վիճակում Խեցգետինը գերադասում է զգուշանալ ու ավելորդ բաներ չասել։
Կարիճ
Կարիճները հոգով ուժեղ անձնավորություններ են, ովքեր սովոր չեն ցույց տալ իրենց թուլություններն ու ցուցադրել էմոցիաները։ Ցանկացած իրավիճակում նրանք հավաքված են, կենտրոնացած, հերթապահ ժպիտը դեմքին։ Կարիճները հստակ գիտեն, որ հասարակության առջև պետք է զուսպ լինեն, բայց միևնույն ժամանակ՝ ակնդետ հետևեն զրուցակցին, որ հետագայում ճիշտ եզրակացություններ անեն նրանց վերաբերյալ։
Սակայն մտերիմ մարդկանց հետ էլ Կարիճն իրեն փակ է պահում։ Ընդ որում, Կենդանակերպի այդ նշանի ներկայացուցիչների գաղտնիքներն ամենից հաճախ կապված են ինտիմ արկածների հետ։ Բանն այն է, որ նրանց կառավարում է սեքսուալ էներգիան, և դրա համար էլ այս մարդիկ պարզապես չեն կարողանում ապրել առանց ֆլիրտի և դավաճանությունների։ Բայց Կարիճն այնքան փակ է ու այնքան լավ է կարողանում վերացնել հետքերը, որ նրան բացահայտել գործնականորեն հնարավոր չէ։ Նույնիսկ տարիներ անց այս մարդը չի խոստովանում իր դավաճանությունը՝ հավատարիմ մնալով իր սկզբունքներին։
Այծեղջյուր
Շատերն են նշում Այծեղջյուրի ինքնամփոփությունն ու չխոսկանությունը։ Բայց Կենդանակերպի այս նշանի ներկայացուցիչները դրա համար բոլոր հիմքերն ունեն։ Նախ՝ Այծեղջյուրները դատող ու լուրջ մարդիկ են։ Նրանք հաստատ գիտեն, որ, երբ բառը բերանից դուրս է գալիս, մարդն արդեն դրա համար պատասխանատվություն է կրում։ Բացի դրանից, արտաքին զսպվածության, ինքնավստահության ու խելամտության տակ Այծեղջյուրները թաքցնում են խոցված հոգին և շատ են վախենում, որ ինչ-որ մեկը կբացահայտի իրենց գաղտնիքը։ Այծեղջյուրները վախենում են իրենց հեղինակությունը կորցնելուց, մտահոգվում են, որ իրենց կդադարեն որպես առաջնորդ ընկալելուց ու լսելուց։ Ինքնամփոփությունը նրանց դաժան գործնականություն է հաղորդում։
Աղեղնավոր
Ընդունված է Աղեղնավորներին զվարճալի մարդիկ համարել, ում կարելի է վստահել։ Բայց եթե ուշադիր նայես, Աղեղնավորները բոլորովին էլ այն մարդիկ չեն, ովքեր ներկայանում են։ Դրանք շատ խորամանկ անձնավորություններ են, ովքեր ամենուր շահ են փնտրում, իսկ հետո փորձում են մտնել յուրաքանչյուր մարդու վստահության մեջ, ով փոքր-ինչ հետաքրքիր է իրենց համար։ Միևնույն ժամանակ՝ Աղեղնավորից երբեք ճշմարտություն չես իմանա։ Նա հմտորեն հեռանում է ուղիղ պատասխաններից ու միտումնավոր կերպով զրուցակցին մոլորության մեջ է գցում, միայն թե նրա հետ չկիսի արժեքավոր ինֆորմացիան։
Իրականում, թե ինչ է կատարվում Աղեղնավորի գլխում, չգիտեն նույնիսկ ամենամտերիմ մարդիկ։ Այս նշանի ներկայացուցիչն օժտված է անհավանական հմայքով, ինչի շնորհիվ քողարկում է սեփական գաղտնապահությունը։ Միևնույն ժամանակ՝ այս մարդիկ, առանց առանձնահատուկ ջանքերի, կարող են բախվել ընկերների հետ ու համերաշխ կոլեկտիվը գժտեցնել, միայն որովհետև իրենք այդպես են ուզում։ Թե ինչն է Աղեղնավորներին դրդում կատարել այս կամ այն գործողությունը, չի իմանա ոչ ոք։
Կույս
Այս նշանին պատկանող անձանց առանձնացնում է նախանձելի ինքնամփոփությունը։ Հատկապես ակնառու է դա արտահայտվում ուրախության կամ վշտի պահերին, քանի որ այդպիսի պահերին Կույսի դեմքը սովորաբար ոչ մի էմոցիա չի արտահայտում՝ մնալով անհաղորդ։ Այդ պատճառով շատերը Կույսերին սառը, անհաղորդ են համարում, թեպետ իրականում այդ մարդու հոգին պարզապես կրծում են էմոցիաները։ Բոլորից հեռու Կույսերն ազատություն կտան իրենց էմոցիաներին. Տնով մեկ կթռչկոտեն ուրախությունից կամ լաց կլինեն աղիողորմ, բայց մարդկանց մեջ նրանց դեմքի ոչ մի մկան չի թրթռա։ Եվ դա է բոլոր Կույսերի տարբերակիչ առանձնահատկությունը։ Ինչն է հետաքրքիր, որ այդ վարքագիծը բացատրություն չունի։ Դա պարզապես բնավորության գիծ է։
Ի դեպ, Կույսերի ինքնամփոփությունը դիտարկվում է նաև շփման պրոցեսում։ Այս մարդիկ հազվադեպ են անկեղծ լինում։ Կույսի հետ երկխոսության մեջ ներկա է թաքնված իմաստ, որն այդ մարդուն թույլ է տալիս սեփական զգացմունքները թաքցնել, կամ ընդհակառակը, իմանալ այն, ինչ մտածում է զրուցակիցը։
Ձկներ
Ձկները Կենդանակերպի ամենագաղտնի և հասկանալու համար ոչ մատչելի նշաններից են։ Եվ դա՝ այն դեպքում, որ Ձկները սիրում են անկեղծություն ու հեշտ են գնում շփման։ Պարզապես նրանց ներաշխարհը ծայրահեղորեն տարբերվում է ուրիշ մարդկանց աշխարհից, և դրա համար էլ զրուցակիցները հաճախ են Ձկներին համարում իրենց սեփական երևակայության մեջ ապրող մարդիկ։ Մասնակիորեն դա այդպես է, և այս նշանի ներկայացուցիչները դա նույնիսկ չեն թաքցնում։ Պարզապես, եթե գտնվի մարդ, ով կհավատա Ձկներին ու կաջակցի նրանց՝ ցուցաբերելով ուժային, տեղեկատվական ու նյութական աջակցություն, Ձկները կարող են իրենց երևակայությունն իրականություն դարձնել։ Դրա համար էլ տվյալ առանձնահատկությունն ավելի շուտ ոչ թե գաղտնիություն է, այլ սովորական անհասկացվածություն ու Ձկների հնարավորություններին չհավատալու նշան։
Բայց Ձկները կարող են նաև փակ լինել։ Տվյալ նշանի անձնավորություններին անվանում են հոգիների բժիշկներ, և դա այն պատճառով, որ շրջապատի մարդիկ Ձկների մեջ տեսնում են այնպիսի մարդու, ում մոտ կարելի է բացել սիրտն ու նրանց վստահել իրենց ամենանվիրական գաղտնիքները։ Արդյունքում՝ Ձկները դառնում են այլոց գաղտնիքների պահապաններ, իսկ ուրիշների գաղտնիքները հրապարակելը նրանց համար չէ, ինչը պարզապես նրանց ստիպում է ավելի փակ լինել։
0Comments