Ռոնալդուն ռեկորդ է սահմանել

Ֆուտբոլի Պորտուգալիայի հավաքականի խաղացող Կրիշտիանու Ռոնալդուն աշպարհի ու Եվրոպայի առաջնությունների ռեկորդ է սահմանել, հաղորդում է Opta-ն։

37-ամյա հարձակվողը պատմության մեջ միակն է, ով 20 եւ ավելի հանդիպման է մասնակցել ե՛ւ աշխարհի առաջնություններում, ե՛ւ Եվրոպայի առաջնություններում։

Հարավային Կորեայի հետ խմբային փուլի վերջին տուրի հանդիպումը 20-րդն էր Ռոնալդուի համար աշխարհի առաջնություններում։ Պորտուգալիան պարտվեց 1:2 հաշվով։

Եվրոպայի առաջնություններում Ռոնալդուն մասնակցել է 25 հանդիպման։

Պորտուգալիան ու Հարավային Կորեան դուրս են եկել 1/8 եզրափակիչ։