Սիրիայի քրիստոնյաները սկսել են վերականգնել Քեսաբ քաղաքում գտնվող Սուրբ Երրորդություն հայկական եկեղեցին: Այն տարածաշրջանի չորս գլխավոր եկեղեցիներից մեկն է: 2014թ-ին զինյալները քաղաքը գրավելուց հետո առաջին հերթին թալանեցին եւ այրեցին քրիստոնեական եկեղեցիները եւ ոչնչացրեցին բոլոր մշակութային եւ պատմական արժեքները:
Կառավարական զորքերը երեք ամսից ազատագրեցին քաղաքը: Քաղաք վերադարձած բնակիչները իրենց տները փլատակներում գտան, սակայն սկզբում որոշեցին հենց եկեղեցիները վերականգնել: Վերակառուցման համար գումարները հավաքվեցին ողջ աշխարհից, գրում է «Զվեզդա»-ն:
Ահաբեկիչները գրեթե մինչեւ հիմքն ավերել են նաեւ եկեղեցու Մշակույթի տունը: Մինչեւ պատերազմը այդտեղ գրադարան է եղել, ինչպես նաեւ մանկական երաժշտական դպրոց: Բնակիչները որոշել են չվերականգնել այս շենքը եւ թողնել որպես զինյալների վայրագության վկայություն:
0Comments