Ելիսեյան պալատը ներկայացրել է մայիսի 3-ինՊուտինի ու Մակրոնի զրույցի մանրամասները։ Ինչպես հայտնում է Ֆրանսիայի նախագահի կայքը, Մակրոնը պահանջել է դադարեցնել կրակը, ինչպես նաև կոչ է արել Ռուսաստանին կատարել իր պարտավորությունները որպես Անվտանգության խորհրդի մշտական անդամ՝ վերջ դնելով այս ավերիչ ագրեսիային։
Մակրոնը խորը մտահոգություն է հայտնել Մարիուպոլում տիրող իրավիճակի և Դոնբասում տիրող ընդհանուր իրավիճակի վերաբերյալ։ Ռուսաստանին անհրաժեշտ է թույլ տալ շարունակել «Ազովստալ» գործարանի տարհանումը, որը սկսվել է վերջին օրերին, ասել է Ֆրանսիայի նախագահը։ Մասնավորապես, անհրաժեշտ է համակարգել մարդասիրական կազմակերպությունների հետ և թույլ տալ, որ խաղաղ բնակիչները ընտրեն, թե ուր են տեղափոխվելու՝ դեպի Ռուսաստան, թե՞ Ուկրաինայի կողմից վերահսկվող տարածքներ։
Մակրոնն իր պատրաստակամությունն է հայտնել աշխատել իրավասու միջազգային կազմակերպությունների հետ՝ օգնելու վերացնել ուկրաինական սննդի արտահանման ռուսական շրջափակումը Սև ծովով։ Շրջափակումը կարող է սարսափելի հետևանքներ ունենալ համաշխարհային պարենային անվտանգության համար, հայտնել է Մակրոնի մամուլի գրասենյակը։
0Comments