«Ղազախստանում տեղի ունեցող իրադարձությունները ցույց տվին, որ գործ ունենք սադրիչ մեխանիզմների հետ, ինչպիսին, որ մենք տեսանք 44-օրյա պատերազմի ընթացքում՝ մենք տեսանք գրոհայինների, ահաբեկչական խմբերի ներկայություն, որոնք տեղափոխվել էին Սիրիայից դեպի Ադրբեջան»,- այս մասին Factor.am-ի հետ զրույցում նշեց ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
«Երեկ տարածված տեղեկատվության համաձայն՝ Ղազախստանում կային գլխատված զինծառայողներ, իսկ գլխատումը որևէ առնչություն չունի խաղաղ գործողությունների հետ, գործ ունենք կազմակերպված ուժի հետ, դա նշանակում է, որ բոլորովին այլ պրոցեսներ կարող են ընթանալ, որոնք կարող էին ապագայում ազդել նաև մեր սահմանների վրա:
Մեր շահերից էր բխում Ղազախստան զորախումբ ուղարկելը: Գիտեք, որ դրանից առաջ թյուրքալեզու պետությունների միասնական հայտարարություն եղավ, իսկ դա նշանակում է, որ մեր աչքի առաջ թուրքական աշխարհի հետ կապված փլիսոփայությունն ինչ-որ ուժեր փորձում են իրականություն դարձնել: Գործ ունենք աշխարհաքաղաքական զարգացումների հետ, այդ խնդիրներն առնչվում են նաև ՌԴ անվտանգային շահերի հետ, և բնականաբար օր առաջ պետք է կանխվեր: Ինչ-որ տեղ կարող է դա բերել մեր սահմաններում իրավիճակի թուլացման»,- նշեց Քոչարյանը:
«Մենք զորախումբ ենք ուղարկել Ղազախստան… Մեր շփման գիծը պաշտպանելու էինք հարյուր խաղաղապահ զինակիցներո՞վ: Մենք այս խաղաղապահ առաքելությունն իրականացնում ենք՝ մեր շահերից ելնելով, կույր պետք է լինել՝ չտեսնելու համար մեր շահերը: ՌԴ-ն էլ հրադադարի ռեժիմ է ապահովում մեր հարավային մատույցներում: ՀՀ և ՌԴ հարաբերությունները պետք է լինեն խիստ գործընկերային և վստահելի, սա առիթ էր, որ Հայաստանը ցույց տա՝ չի խուսափում ՀԱՊԿ անդամ լինելուց»,- նշեց Քոչարյանը և հավելեց՝ ահաբեկիչը գնացել հասել է Ղազախստան, ի՞նչ անենք, ասենք՝ այնտեղ բռնապե՞տ է:
Մանրամասները՝ տեսանյութում:
0Comments