Ֆրանսիայի մայրաքաղաքը բախվում է նոր միգրացիոն ճգնաժամի. ավելի քանի 2 000 փախստականներ Աֆրիկայից եւ Մերձավոր Արեւելքից քնում են բաց երկնքի տակ, ըստ news.am-ի՝ հաղորդում է Fox News-ը:
Համաձայն Le Figaro-ի եւ AFP-ի տեղեկությունների՝ Փարիզում 200 վրաններ են տեղադրել, որտեղ հիմնականում Աֆղանստանից փախստականներն են: Նման իրավիճակ է Փարիզի Պորտ-դը-Կլինյանկուր մետրոյի կայարանի շրջանում, որտեղ մայթերին 250 փախստական է ապրում:
Ֆրանսիական մայրաքաղաքի իշխանությունները հաղորդում են, որ 2018 թվականին ապաստան հայցող անձանց թիվն ավելացել է 45 տոկոսով՝ ի տարբերություն նախորդ տարիների: Այժմ քաղաքային իշխանությունները ծրագիր են մշակում, որի շնորհիվ Փարիզում կբացվեն փախստականների համար 1200 կացարաններ:
Ինչպես նշում է պարբերականը՝ հղում կատարելով ֆրանսիական բարեգործական կազմակերպությանը, Փարիզի փողոցներում փախստականների թիվն արագորեն աճում է, եւ ձմռան ավարտին ֆրանսիական մայրաքաղաքի փողոցներում կհայտնվեն արդեն 4000 փախստականներ:
0Comments