Վաղը պատվիրակություն է մեկնում Ռուսաստան

Նիկոլ Փաշինյանը Նարեկ Տերյանին Ռուսաստան գործուղելու մասին որոշում է ստորագրել.

«Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը՝

1․ Հայաստանի Հանրապետության էկոնոմիկայի նախարարի տեղակալ Նարեկ Տերյանին 2021 թվականի հուլիսի 21-ից 23-ը գործուղել Ռուսաստանի Դաշնություն (Մոսկվա)՝ երկկողմ առևտրատնտեսական համագործակցությանն առնչվող հարցերը ռուսական կողմի հետ քննարկելու նպատակով։

2. Նարեկ Տերյանի՝ Ռուսաստանի Դաշնություն գործուղման ծախսերը և «COVID-19» ՊՇՌ նմուշառումների վճարները կատարել Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին։

3․ Հայաստանի Հանրապետության էկոնոմիկայի նախարարի պաշտոնակատարին՝ ապահովել գործուղումից վերադառնալուց հետո եռօրյա ժամկետում Նարեկ Տերյանի՝ Ռուսաստանի Դաշնություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը»,-ասված է որոշման մեջ: