Հայտնի են դարձել աշխարհի ամենաշատ լուսանկարվող վայրերը

Skyscanner ինքնթիռի տոմսերի և հյուրանոցների առցանց որոնման ծառայությունը կազմել է աշխարհի ամենաշատ լուսանկարվող վայրերի վարկանիշային աղյուսակը։ Այս մասին հայտնում է lenta.ru-ն:

Այդ նպատակով ծառայության փորձագետները հարցում են անցկացրել հարյուրավոր ճանապարհորդների շրջանում՝ ընտրության համար նրանց ներկայացնելով աշխարհի գլխավոր տեսարժան վայրերի լուսանկարները։ Առաջին տեղում Էյֆելյան աշտարակն է․ նրա օգտին քվեարկել են հարցվածների 18 տոկոսը։

Նրան հաջորդում է Կապադովկիան, որտեղ անց է կացվում օդապարիկների ամենամյա փառատոնը։ Նրա օգտին քվեարկել են հարցվածների 15 տոկոսը։ Եռյակը եզրափակում է Կոլիզեյը՝ 13 տոկոս ձայներով։