Ինչո՞ւ են մարդիկ ավելի հաճախ մահանում գրիպից ձմռան ամիսներին

Ինչո՞ւ են մարդիկ ավելի հաճախ գրիպով վարակվում եւ մահանում հենց ձմռան ամիսներին։ Ելի համալսարանի (ԱՄՆ) գիտնականները փորձել են գտնել այս հարցի պատասխանը։

Նրանց կարծիքով՝ ամեն ինչի մեղավորը... ցածր խոնավությունն է։

Ինչպես տեղեկացվում է YaleNews կայքում,  հետազոտողները փորձեր են կատարել գենետիկ մոդիֆիկացված մկների վրա, որոնք եղել են մարդկային իմունիտետի կենդանական մոդելը։ Բոլոր կրծողները պահվել են միանման ջերմաստիճան ունեցող խցերում, բայց նորմալ կամ ցածր խոնավությամբ, ինչից հետո դրանց վարակել են գրիպի А վիրուսով։

Պարզվել է, որ ցածր խոնավությամբ խցերում վարակման եւ վտանգավոր բարդությունների ռիսկն ավելի բարձր է եղել։ Գիտնականները պարզել են, որ ցածր խոնավությունն իջեցնում է այն արդյունավետությունը, որից վանդակների մակերեսի շնչուղիների «թարթիչները» հեռացնում են վիրուսային  մասնիկներն ու լորձը։ Նվազել է նաեւ թոքերի բջիջների ունակությունը՝ վերականգնելու վարակների առաջացրած ախտահարումները։ Բացի այդ, ցածր խոնավությամբ խցերում գիտնականները գրանցել են խափանումներ բնածին իմունիտետի աշխատանքում, որը բնութագրվում է ինտերֆերոնի եւ այլ ազդանշանային միացությունների արտազատմամբ, որոնք հարեւան բջիջներին զգուշացնում են վիրուսների մասին։

Գիտնականների խոսքով՝ ջրային գոլորշու քանակի ավելացումը խցերի օդում խոնավացուցիչների օգնությամբ կարող է արդյունավետ ռազմավարություն լինել գրիպի ախտանշանների թեթեւացման եւ բուժման արագացման համար։

Հետազոտությունը հրապարակվել է Proceedings of the National Academy of Sciences ամսագրում։