1915 թվականի Հայոց Մեծ եղեռնը բոլորիս ցավն է եւ այն երբեք չի մոռացվի: Ապրիլի 24-ը տխուր ու նաեւ շատ կարեւոր օր է յուրաքանչյուր հայիս համար: Լրագրողների հետ զրույցում Ֆրանսիայից Հայոց ցեղասպանության 104-րդ տարելիցի կապակցությամբ ասել է հեռացատկի Եվրոպայի չեմպիոն, Եվրոպայի ռեկորդակիր, Հայաստանի աթլետիկայի ֆեդերացիայի նախագահ Ռոբերտ Էմմիյանը:
«Ապրիլի 24-ը շատ կարեւոր օր է բոլորիս համար: Այսօրը ցավում է ամբողջ աշխարհը Հայաստանի հետ միասին: Ես այժմ գտնվում եմ Ֆրանսիայում, որտեղ տարբեր քաղաքներում Հայոց ցեղասպանության զոհերի հիշատակման առիթով բազմաթիվ միջոցառումներ են անցկացվում: Ինքս էլ մասնակցում եմ այդ միջոցառումներին:
Շնորհակալ եմ Ֆրանսիայի ղեկավարությանն ու այստեղ ապրող հայերին, որ ամեն տարի պարտադիր հիշատակման միջոցառումներ են կազմակերպում եւ անցկացնում: 1915 թվականի հայոց մեծ եղեռնը բոլորիս ցավն է եւ այն երբեք չի մոռացվելու»,- ասել է Ռոբերտ Էմմիյանը:
0Comments