Mercedes-AMG-ն կներկայացնի առաջին ֆիրմային էլեկտրական մեքենան

Գերմանական Mercedes-Benz մեքենաշինական ընկերությունը պատրաստում է առաջին ֆիրմային էլեկտրական մեքենան՝ Mercedes-AMG ապրանքանիշի ներքո, հայտնում է autopilot.ru-ն։

Նոր արտադրանքի մասին պաշտոնական տեղեկություն չկա։ Նշվում է միայն, որ այն կստեղծվի նոր AMG.EA (AMG Electric Architecture) հարթակի հիման վրա, կստանա կոմպակտ և հզոր առանցքային էլեկտրական շարժիչներ և էներգիայի փոխանակման բարձր մակարդակով բարձր լարման մարտկոց։

Էլեկտրական Mercedes-AMG-ի նախատիպերը ներկայումս ճանապարհային փորձարկումներ են անցնում Շվեդիայի հյուսիսում: Սպասվում է, որ արտադրական մոդելը կհայտնվի շուտով։