Քրիստինա Օրբակայտեի ելույթը, որը պետք է կայանար Կրեմլի պալատում, վերջին պահին չեղարկվել է

Ռուս երգչուհի Քրիստինա Օրբակայտեի ելույթը, որը պետք է կայանար Կրեմլի պետական ​​պալատում՝ Կանանց միջազգային օրվան նվիրված համերգին, վերջին պահին չեղարկվել է։ Միջադեպի մանրամասները, news.am-ի փոխանցմամբ, բացահայտել է «Московский комсомолец»-ը։

Ինչպես հաղորդում է Lenta.ru-ն՝ հրապարակման լրագրողներին հասանելի տեղեկությունների համաձայն՝ Օրբակայտեի անունը մինչեւ վերջին պահը նշված է եղել մարտի 8-ին կայանալիք համերգի ծրագրում։

«Նա պետք է բեմ բարձրանար Իրինա Ալեգրովայից եւ Իգոր Կրուտոյից հետո՝ համերգի վերջում»,-ասել է անանուն աղբյուրը։

Կրեմլի պալատի բեմում երգչուհին պետք է կատարեր իր «Просто любить тебя» հայտնի հիթը, սակայն վերջին պահին կազմակերպիչները ծրագրից հանել են նրա համարը։

Հրատարակության լրագրողները նշում են, որ այս որոշման պատճառը Օրբակայտեի մոր՝ Ալլա Պուգաչովայի հակառուսական հայտարարություններն էին։