Նոյեմբերի 9-ի հայտարարության ոչ մի կետ կարծես չի կատարվում, բացի այն, որ այսօր ունենք շփման գիծ, որը ունենք շնորհիվ պաշտպանության բանակի. Իհարկե, այստեղ շատ մեծ է նաեւ խաղաղապահների դերը, որը կանխում է սրացումները: Այս մասին այսօր՝ օգոստոսի 6-ին, Արցախի հեռուստատեսությանը տված հարցազրույցում նշեց Արցախի նախագահ Արայիկ Հարությունյանը:
«Այսօր եթե ունենք որոշակի կյունություն, պետք է շնորհակալ լինենք, մյուս կողմից էլ ֆիքսենք, որ ամենագլխավոր կետը, որը Լաչինի միջանցքն է, ռուսական խաղաղապահների կողմից չի կատարվում: Ես բազմաթիվ նամակներ եմ ուղղել Ռուսաստանի ղեկավարությանը, նխագահին, խնդրանքներ, կոչեր, բայց ունենք այն, ինչ ունենք: Սա հետեւանք է ռուս-ուկրաինական պատերազմի, բայց նաեւ կա մի պարզ ճշմարտություն. Մենք հետեւում ենք, եւ տեսնում ենք, որ Ռուսաստանի արտաքին քաղաքականության բլոկը մեղադրում է Հայաստանի իշխանություններին, կոնկրետ վարչապետին, որ դա հետեւանք է վարչապետի կողմից Ադրբեջանի տարածքային ամբողջականության ճանաչման:
Հայաստանը մեղադրում է Ռուսաստանին, որ դա եռակողմ հայտարարության պարտավորություններից մեկն է, որը անկախ իրավիճակից Ռուսաստանը պետք է կատարի: Երկուսն էլ իրականությանը մոտ են, բայց կա երրորդը, որի մասին չի խոսվում այսօր: Դա նաեւ այն փակուղին է, որ առաջացել է Հայաստան-Ադրբեջան ենթակառուցվածքների վերագործարկման կամ նորերի կառուցման առումով, որը Ադրբեջանն օգտագործում է եւ շարունակում իր ճնշումը Արցախի ժողովրդի նկատմամբ»,-ասաց նա:
0Comments