ԱՄՆ ներկայացուցիչներն այս պահին Ռուսաստանի ճանապարհին են. Թրամփ
ԱՄՆ նախագահ Դոնալդ Թրամփը հայտարարել է, որ ԱՄՆ ներկայացուցիչներն այս պահին Ռուսաստանի ճանապարհին են։ Այս մասին, Sputnik Արմենիայի փոխանցմամբ, հայտնում է ՌԻԱ Նովոստին։
Միևնույն ժամանակ, ԱՄՆ նախագահը փաստել է, որ ռուս գործընկեր Վլադիմիր Պուտինի հետ շփումների մասին պայմանավորվածություն դեռևս չկա:
«Դրան դեռ չի հասել»,-Սպիտակ տանը լրագրողներին ասել է Թրամփը:
Նրա խոսքով՝ Վլադիմիր Զելենսկին նախկինում չէր ցանկանում Ուկրաինայում խաղաղություն հաստատել, սակայն այժմ համաձայնել է։ «Այժմ նա համաձայնել է խաղաղության, տեսնենք, թե ինչ կլինի հետո»,- ասել է ամերիկացի առաջնորդը։
Ավելի վաղ ամերիկացի առաջնորդը հայտարարել էր, որ սպասում է անհապաղ հրադադարի առաջարկին ՌԴ-ի համաձայնությանը, արդեն Մոսկվա է մեկնել ամերիկյան պատվիրակությունը:
Թրամփն ասել է, որ ուկրաինական կարգավորման համատեքստում քննարկվել է ոչ միայն հրադադարի, այլև տարածքային հարցը։
«Մենք քննարկել ենք նաև հողային և այլ հարցեր, որոնք կապված են սրա հետ... Մենք մանրամասն քննարկել ենք, թե ինչից պետք է հրաժարվել, քանի որ չենք ուզում ժամանակ կորցնել»,- ասել է նա։
Նախօրեին կայացել են Ուկրաինայի և ԱՄՆ-ի պատվիրակությունների բանակցությունները, որոնց արդյունքում ամերիկյան վարչակազմը կոչ է արել անհապաղ հրադադարի ռեժիմ հաստատել: Վլադիմիր Զելենսկու գրասենյակը հրապարակել է Կիևի և Վաշինգտոնի համատեղ հայտարարությունը բանակցությունների արդյունքների վերաբերյալ, որում նշվում է, որ Ուկրաինան պատրաստ է 30 օրով հրադադար հաստատելու ԱՄՆ-ի առաջարկին, այն կարող է երկարաձգվել կողմերի համաձայնությամբ: Փաստաթղթում նաև ասվում է, որ ԱՄՆ-ն անմիջապես չեղարկում է հետախուզական տվյալների փոխանակման դադարը և վերականգնում է ռազմական մատակարարումներն Ուկրաինային: ԱՄՆ նախագահ Դոնալդ Թրամփը հայտարարել է, որ Կիևը պատրաստ է լիակատար հրադադարի, այժմ Վաշինգտոնը սպասում է Մոսկվայի արձագանքին:
Latest from Live24
- Սլովակիան կրկին արգելափակել է Ռուսաստանի դեմ պատժամիջոցների նոր փաթեթը
- Ցանկացած ագրեսիա կարագացնի Իսրայելի ոչնչացումը. ԻՀՊԿ
- Telegram-ում 1 միլիոն դոլարանոց աշխատավարձով թափուր հաստիք է բացվել
- Իրանը հրաժարվել է միջուկային ծրագրի շրջանակում իրականացվող ստուգումներից և ուրանի հարստացման դադարեցման պայմաններից. Թրամփ
- Հյուսիսային պողոտայում ոստիկանական ավտոմեքենա են առևանգել և վթարի ենթարկվել
- Ռուսաստանը մեծացնում է իր ռազմական ներկայությունը Հայաստանում. Ուկրաինայի հետախուզություն
- Մեծ Բրիտանիան 14 տարվա ընդմիջումից հետո վերականգնել է հարաբերությունները Սիրիայի հետ
- Չնայած սկզբում Հայաստանը դեմ էր «Զանգեզուրի միջանցքին», սակայն այժմ ավելի ճկուն մոտեցում է ցուցաբերում․ Էրդողան
Լրահոս
Ֆոտո
