Այսօր՝ հունիսի 8-ին, խոշոր ու ողբերգական ավտովթար է տեղի ունեցել Արարատի մարզում։

Ժամը 11։30-ի սահմաններում Մասիս-Այնթապ ճանապարհի 1-ին կմ հատվածում բախվել են «BMW X 6» և «ՎԱԶ 2106» մակնիշի ավտոմեքենաները։

Ինչպես հայտնում է Գ․ Շամշյանը, վթարի հետևանքով 2 հոգի տեղում մահացել է, 2-ը՝ մարմնական վնասվածքներով տեղափոխվել «Մասիս» բժշկական կենտրոն։

Ոստիկանությունն ու քննչական բաժինը պարզում են վարորդների, մահացածների և վիրավորներիի ինքնությունը։

Այսօրվա քաղաքականությունը, որպես այդպիսին, գոյություն չունի բանակցությունների մակարդակով, և մեր ցանկությունն ու ծրագիրն է, որ դրանք վերադառնան իրական բանակցային գործընթացների և բանակցային սեղան։ Այս մասին միջազգային լրատվամիջոցներին տված հարցազրույցում ասել է «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը՝ պատասխանելով հարցին՝ ինչպես կարող է փոխվել քաղաքականությունն Ադրբեջանի հետ հարաբերություններում։

«Այսօր Հայաստանը ոչ մի ասելիք չունի այդ հարաբերությունների մեջ, բացարձակ, ոչ մի փոխզիջումային տրամադրություն, ոչ մի նույնիսկ փոխադարձ տարածքային ամբողջականությունը ճանաչելու հիմքեր, ոչ մի բան։ Հետևաբար, բանակցություններ որպես այդպիսին բացարձակ գոյություն չունեն, կան թելադրանքներ, պարտադրանքներ, ուժի սպառնալիք և սա չի կարող լինել որևէ կերպով խաղաղության հիմքը»,- ասել է Բագրատ Սրբազանը։

Նա ընդգծել է, որ չի կարծում՝ այս կառավարությունը վեկտորի փոփոխության խնդիր ունի, իսկ այն, ինչ տեսնում ենք, պարզապես տարերային, աջ ու ձախ, իրադարձային հարաբերություններ են։

«Մեր նպատակն ու ծրագիրն է ունենալ կայուն, վստահելի, երկարաժամկետ, դրական, կառուցողական հարաբերություններ բոլոր ուղղություններով, բոլոր գործընկերների հետ։ Կարևոր առանցքային դետալ կա այստեղ՝ հայկական օրակարգով։ Բոլորը պետք է նպաստեն Հայաստանի և հայ ժողովրդի շահերին», - նշեց Բագրատ Սրբազանը՝ հավելելով, որ չեն կարող բացառել նաև Սփյուռքի առկայությունը։

«Տավուշը հանուն հայրենիքի» շարժման առաջնորդի խոսքով՝ 2020 թվականից սկսած պատերազմը չի կանգնել, շարունակվում է անընդհատ։

«Որքան այս իշխանությունը լինի, պատերազմը շարունակվելու է։ Ոմանք այն բնորոշում են որպես սողացող պատերազմ։ Տեսնում ենք Տավուշի դեպքերից։ Բնականաբար, մեր ցանկությունը պատերազմ դադարեցնելն է, խաղաղության իրական գործընթացի մեջ մտնելը ոչ թե իմիտացիոն խաղաղության։ Մեր ծրագիրն է պատերազմը դադարեցնելը, հասնել իրական խաղաղության, որն այլևս անխախտ կլինի։ Մենք գալիս ենք խաղաղության հաստատելու, վերացնելու քայքայիչ պատերազմի ամբողջ գոյությունը», - նշել է Գալստանյանը։

Այս շարժումն ավելին է, քան իշխանափոխությունը։ Սա քաղաքակրթական, արժեքային բովանդակություն ունեցող շարժում է։ Մենք լայն իմաստով անկում ենք ապրել, քաոսի մեջ ենք։ Այս մասին միջազգային լրատվամիջոցներին տված հարցազրույցում ասել է «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը։

Բագրատ Սրբազանի խոսքով՝ իրենց համար իշխանության հասնելու ձգտումը չէ, այլ ավելին՝ ընդհանուր կյանքի փոփոխությունն է։ Նա ընդգծել է, որ սա արժեքային դաշտում փոփոխությունն է, հանրային ընկալման, վարքաբանության փոփոխությունն է։

«Որոշակի իմաստով մենք ամեն ինչ անելու ենք, որպեսզի ամեն ինչ ընթանա օրենքի ճանապարհով։ Նաև պետք չէ մոռանալ, որ հարգելով օրենքի ուժը, շատ հաճախ նաև իրավունքի ուժն ավելին է, քան օրենքի ուժը։ Սա ժողովրդային շարժում է, և այդ ժողովրդային շարժումը նշվածս չափանիշներով վստահաբար կհասնի իր տրամաբանական ավարտին»,- ասել է Բագրաստ Սրբազանը։

Հարցին՝ չե՞ք կարծում, որ բացի Փաշինյանի հրաժարականից, հանրությանը պետք է ներկայացնել ծրագիր, որը հնարավորություն կտա հասկանալու` ինչպես եք պատրաստվում Հայաստանը դուրս բերել աշխարհաքաղաքական ճգնաժամից, երբ սահմանազատման համար սկսած շարժումը հանրահավաքներով է զբաղված Երևանում, մինչդեռ մարզերում, իշխանությունը շարունակում է գործընթացը, կանխարգելիչ մեխանիզմներ մտածե՞լ եք, Սրբազանը պատասխանեց, որ իրենք հանրահավաքով զբաղված չեն։

«Ամբողջ շարժումը միտված է կանխարգելմանը։ Մենք ասել ենք, որ այս շարժումը ծագել է Կիրանցում, Ոսկեպարում, բայց դրա լուծումը Երևանում է։ Կիրանցով, Ոսկեպարով չի ավարտվում, տարածվում է ողջ Հայաստանի վրա։ Այն, ինչ իրականցնում ենք, դրան է միտված՝ կանխարգելելուն», - հավելեց նա։

Անցումային կառավարությունը պետք է պատրաստվի արտահերթ ընտրություններին, որին չի մասնակցելու. Սրբազան.

Տեսանյութ

«Շարժումը ծագել է Կիրանցում ու Ոսկեպարում, բայց դրա լուծումը Երևանում է, որովհետև Կիրանցով ու Ոսկեպարով չի ավարտվում դա, այլ տարածվում է ողջ ՀՀ-ի ու հայ ժողովրդի վրա։ Այն, ինչ իրականացնում ենք, կանխարգելելուն է միտված»,- առցանց ասուլիսի ժամանակ հայտնեց «Տավուշը հանուն հայրենիքի» շարժման առաջնորդը։

«Օրակարգի հստակ ծրագիր ենք ներկայացնել՝ ինչպես ենք պատկերացնում ապագա Հայաստանի տեսիլքը, նաև՝ անցումային շրջանի մասին։

Առաջին, ստեղծել հաշտության կառավարություն, երկրորդ, այն պետք է լրջագույն մակարդակի բարձրացնի արտաքին քաղաքականությունը, երրորդ, այն պետք է պատրաստի արտահերթ ընտրությունների՝ մեկնարկային հավասարություն ունենալով բոլոր կուսակցությունների համար»,- նշեց Բագրատ Սրբազանը։

Ուշադրություն

Սև ծովի շրջաններից ակտիվ ցիկլոնի ներթափանցմամբ պայմանավորված` հունիսի 8-12-ին շրջանների մեծ մասում ժամանակ առ ժամանակ սպասվում է անձրև և ամպրոպ, առանձին հատվածներում, այդ թվում՝ Երևանի առանձին հատվածներում անձրևները կլինեն ինտենսիվ, կտեղա կարկուտ։ Օդի ջերմաստիճանը հունիսի 8-9-ին ցերեկային ժամերին աստիճանաբար կնվազի 6-10 աստիճանով։

Երևան քաղաքում՝
Հունիսի  8-12-ին ժամանակ առ ժամանակ սպասվում է անձրև և ամպրոպ, քաղաքի առանձին հատվածներում` ինտենսիվ, հնարավոր է նաև կարկուտ։ Ամպրոպի ժամանակ՝ քամու ուժգնացում՝ 16-20 մ/վ արագությամբ։

Հանրապետության տարածքում`
Հունիսի 8-12-ին շրջանների զգալի մասում ժամանակ առ ժամանակ սպասվում է անձրև և ամպրոպ, առանձին հատվածներում` ինտենսիվ, կտեղա նաև կարկուտ։
Քամին՝ հարավարևմտյան՝ 3-5մ/վ, ամպրոպի ժամանակ սպասվում է քամու ուժգնացում 18-23մ/վ արագությամբ:
Օդի ջերմաստիճանը հունիսի 8-9-ին աստիճանաբար կնվազի 6-10 աստիճանով։

Rate.am-ում հունիսի 8-ի ներկայացված տարադրամի փոխարժեքներն են. 

ԱՄՆ դոլարի առքի միջին արժեք է սահմանվել 385.11 դրամը, վաճառքի միջին արժեք 391.16 դրամը:

Եվրոյի առքի միջին արժեք է սահմանվել 414.61 դրամը, վաճառքի միջին արժեք՝ 428.30 դրամը:

Ռուսական ռուբլու առքի միջին արժեք է սահմանվել 4.24 դրամը, վաճառքի միջին արժեք՝ 4.48 դրամը:

«Ժողովուրդ» օրաթերթը գրում է. «2018 թվականից քաղաքական «Թավշյա հեղափոխությունից» հետո ՀՀ կրթության և գիտության նախկին նախարար, վարչապետի նախկին գլխավոր խորհրդական, 2021 թվականի հուլիսի 1-ից վարչապետի աշխատակազմի ղեկավար Արայիկ Հարությունյանը, ըստ 2023 թվականի եկամուտների, գույքի, շահերի և ծախսերի մասին հայտարարագրի, ՀՀ վարչապետի աշխատակազմից ստանում է 22 մլն 488 հազար դրամ աշխատանքի վարձատրություն։

Նախկինում՝ մինչ հեղափոխությունը, ոչնչով աչքի չընկած ԵՊՀ դասախոս Արայիկ Հարությունյանը 2018 թվականին, երբ ԿԳ նախարար էր դառնում, ստանում էր ընդամենը տարեկան գրեթե 680 հազար դրամ աշխատանքի վարձատրություն ԵՊՀ-ից: Սակայն տարբեր պաշտոններում պաշտոնավարման այս 6 տարիների ընթացքում Արայիկ Հարությունյանի աշխատանքի վարձատրությունը 22 անգամ ավելացել է՝ դառնալով տարեկան 22 մլն 488 հազար դրամ։

Վարչապետի աշխատակազմի ղեկավարը 2022 թվականին ձեռք է բերել հողամաս Կոտայքի մարզի Նաիրի համայնքում, որի արժեքը կազմել է 8 մլն 320 հազար դրամ։

Արայիկ Հարությունյանի բանկային հաշիվների մնացորդները կազմել են 10 մլն 411 հազար դրամ՝ նախորդ տարվա համեմատ աճելով 4 մլն դրամով։

2022 թվականին առկա կանխիկ դրամական միջոցները՝ 150 հազար դրամը, այս տարի նվազել է՝ դառնալով 100 հազար դրամ։

Արայիկ Հարությունյանի ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 27 մլն 017 հազար դրամ, որը, ինչպես հասկանում ենք, բնակարանի հիփոթեքի մայր գումարի մնացորդն է, որի համար աշխատակազմի ղեկավարը ՀՀ ֆինանսների նախարարությունից ստացել է 3 մլն 016 հազար դրամ գումար՝ եկամտահարկի վերադարձի օրենքով՝ հիփոթեքի մայր գումարի մնացորդը մարելու համար»։ Մանրամասները՝ թերթի համարում

«Տավուշը հանուն հայրենիքի» շարժումը լուսանկարներ է տարածել ֆեյսբուքյան էջում՝ կից գրառմամբ․ «30 արծաթով հայրենիքը վաճառածների նկարներն այս գիշեր հայտնվել են Երևանի տարբեր հատվածներում»։

«30 արծաթով հայրենիքը վաճառածները»․ «Տավուշը հանուն հայրենիքի» շարժում

«30 արծաթով հայրենիքը վաճառածները»․ «Տավուշը հանուն հայրենիքի» շարժում

Աղբյուրը` «Տավուշը հանուն հայրենիքի» շարժում

#ՀԻՄԱ. ԲԱԳՐԱՏ ՍՐԲԱԶԱՆԻ ԱՍՈՒԼԻՍԸ` ՄԻՋԱԶԳԱՅԻՆ ԼՐԱՏՎԱՄԻՋՈՑՆԵՐԻՆ.

ՈՒՂԻՂ