Նոր նշանակում՝ Արցախի պաշտպանության բանակում

Արցախի նախագահ Բակո Սահակյանն ստորագրել է հրամանագիր, համաձայն որի՝ գնդապետ Ստեփան Գևորգյանը նշանակվել է Արցախի պաշտպանության բանակի հրամանատարի տեղակալ:

Հավանական է, որ նա փոխարինելու է գեներալ-մայոր Վարդան Բալայանին, որ բանակի հրամանատարի ԱՀՏԱ գծով տեղակալն էր և պաշտոնից ազատվել է հունիսին։

Ստորև գնդապետ Ստեփան Գևորգյանի կենսագրությունը ըստ ՀՀ ՊՆ կայքի․

Գործունեություն

• 1988 – 1992թթ. – Աշխատել է Երևանի մաթեմատիկական մեքենաների գիտահետա­զո­տական ինստիտուտում:
• 1992 – 2015թթ. – Զինված ուժերի տարբեր զորամասերում զբաղեցրել է մի շարք հրամանա­­տարական պաշտոններ՝ դասակի հրամանատար, գումարտակի հրամանատա­րի տեղակալ-շտաբի պետ, գումարտակի հրամանատար, գնդի հրամանատարի տեղակալ-շտաբի պետ, գնդի հրամանատար, բանակային կորպուսի օպերա­տիվ բաժնի պետ-շտաբի պետի տեղակալ, բրիգադի շտաբի պետ-հրամանատարի տեղակալ, բրիգադի հրամանատար, բանակային կորպուսի շտաբի պետ-հրամանատարի տեղակալ, բանակային կորպուսի հրամանատարի մարտական հերթապահության գծով տեղակալ:
• 2004 թ. մայիսի 17-ին – Շնորհվել է գնդապետի զինվորական կոչում:
• 2015թ. նոյեմբերի 10-ին – Նշանակվել է ՀՀ ԶՈՒ ԳՇ օպերատիվ վարչության պետի տե­ղա­կալի պաշտոնին:
• 2016թ. օգոստոսի 3-ին – Նշանակվել է ՀՀ ԶՈՒ ԳՇ կադրերի վարչության պետի պաշ­տո­­նին:

Կրթություն

• 1981թ. – Ավարտել է ՀՀ Աբովյան քաղաքի N 7 միջնակարգ դպրոցը:
• 1985 – 1990թթ. – Սովորել է ԵՊՀ-ի կիրառական մաթեմատիկայի ֆակուլտետում:
• 1998թ. օգոստոս – 2001թ. հունիս – Սովորել է ՌԴ ԶՈՒ Մ. Ֆրունզեի անվան համազորային ակադե­միայում:

Ծառայություն և մասնակցություն մարտական գործողությունների

• 1982-1984 թթ. պարտադիր ժամկետային զինծառայություն է անցել ԽՍՀՄ զինված ուժերում:
• 1992-1994 թթ. մասնակցել է մարտական գործողությունների:

Պարգևներ

Պարգևատրվել է ՀՀ «Արիության», «Հայրենիքին մատուցած ծառայությունների հա­մար» 1-ին և 2-րդ աստիճանի, Արցախի «Մարտական ծառայության» մեդալներով, մի շարք պե­­­­տա­կան ու գերատեսչական այլ մեդալներով: