Եթե Իրանի դեմ ամբողջական պատերազմ սկսվի, ապա դա չի կարող Հայաստանի վրա չազդել, ArmeniaSputnik–ի հետ զրույցում ասաց ռուսաստանցի լրագրող–միջազգայնագետ Աբբաս Ջուման։
«Իրանն առևտրային, տնտեսական, քաղաքական կարևորագույն գործընկերներից է, ընդհանուր սահման կա։ Բացի դրանից, թուրքական իշխանությունը Բաքվի հետ համատեղ պլաններ է մշակում Սյունիքի ուղղությամբ։ Այսօր Իրանը ՀՀ–ի համար անվտանգության երաշխավորներից մեկն է, ու Անկարային և Բաքվին ասել է` «Զանգեզուրի միջանցքը» իրենց համար կարմիր գիծ է»,– նշեց Ջուման։
Նա հույս հայտնեց, որ հնարավոր կլինի խուսափել պատերազմից և գիտակցությունը կհաղթի, բայց ընդգծեց` անձամբ իրանցիները հիմա պատրաստվում են վատագույնին։
0Comments