ԵՄ նոր առաջնորդները ժամանել են Կիև, որտեղ հայտարարել են, որ Եվրամիությունը ցանկանում է՝ Ուկրաինան հաղթի այս պատերազմում և դրա համար կանի հնարավոր ամեն ինչ:
Ինչպես գրում է Bild-ը, ԵՄ արտաքին քաղաքականության նոր ղեկավարները խորհրդանշական այցով Ուկրաինայի մայրաքաղաք են ժամանել պաշտոնները ստանձնելուց անմիջապես հետո։
Եվրոպական խորհրդի նախագահ Անտոնիու Կոշտան, որը փոխարինել է Շառլ Միշելին, և ԵՄ դիվանագիտական ծառայության ղեկավար Կայա Կալլասը, որը փոխարինել է Ժոզեպ Բորելին, մտադիր են հանդիպել նախագահ Վլադիմիր Զելենսկու հետ։
«Պաշտոնը ստանձնելուց հետո իմ առաջին այցի ժամանակ իմ ուղերձը հստակ է. Եվրամիությունը ցանկանում է, որ Ուկրաինան հաղթի այս պատերազմում: Դրա համար կանենք հնարավոր ամեն ինչ»,- ասել է Կալլասը:
Նոյեմբերի 27-ին Եվրախորհրդարանը հաստատել է Եվրահանձնաժողովի նոր կազմը՝ Ուրսուլա ֆոն դեր Լեյենի գլխավորությամբ:
0Comments