2024 թվականին դատարանների որոշումներով Ռուսաստանի Դաշնությունից արտաքսված անօրինական միգրանտների թիվը կրկնակի աճել է 2023 թվականի ցուցանիշի համեմատությամբ: «Արմենպրես»-ի փոխանցմամբ՝ այս մասին ՏԱՍՍ-ին հայտնել է Դատական պրիստավների դաշնային ծառայության տնօրեն, ՌԴ գլխավոր դատական պրիստավ Դմիտրի Արիստովը։
«2024 թվականի ինն ամսվա ընթացքում ՌԴ-ի սահմաններից հարկադրաբար արտաքսվել է ավելի քան 60 000 օտարերկրյա քաղաքացի և քաղաքացիություն չունեցող անձ: 2023 թվականի ինն ամսվա ընթացքում արտաքսված անձանց թիվը կազմել է մոտավորապես 30 000», - ասել է նա։
Արիստովի խոսքով՝ 2024 թվականին մի քանի անգամ ավելացել է հարկադիր արտաքսման ենթակա անձանց թիվը այնպիսի միջոցառումների ակտիվացման հետևանքով, որոնք ներքին գործերի մարմինների կողմից ձեռնարկվել են ՌԴ-ում գտնվելու օրինական հիմքեր չունեցող օտարերկրյա քաղաքացիների բացահայտման ուղղությամբ:
0Comments