Ռուսաստանի օդային տարածության հսկողության միջոցները Բարենցի ծովի ջրային տարածքի վրա Ռուսաստանի Դաշնության պետական սահմանին մոտեցող օդային թիրախների խումբ են հայտնաբերել, հայտնում է ՌԴ ՊՆ-ն։
«Օդային թիրախը ճանաչելու և Ռուսաստանի Դաշնության պետական սահմանի խախտումը կանխելու համար օդ են բարձրացվել հակաօդային պաշտպանության հերթապահ զորքերի ՄիԳ-29 և ՄիԳ-31 կործանիչներ։
Ռուսաստանյան կործանիչների անձնակազմերի վկայությամբ դրանք ԱՄՆ ռազմաօդային ուժերի B-52N ռազմավարական ռմբակոծիչներ են եղել»,- ասվում է ՌԴ ռազմական գերատեսչության հաղորդման մեջ։
Ինչպես նշել է ՌԴ ՊՆ-ն, ռուսաստանյան կործանիչների մոտենալուն պես ամերիկյան ռազմավարական ռմբակոծիչները Ռուսաստանի պետական սահմանից շրջադարձ են կատարել։
«Ռուսաստանյան ինքնաթիռները բարեհաջող վերադարձել են իրենց օդանավակայաններ, Ռուսաստանի Դաշնության պետական սահմանի խախտումը կանխվել է»,- ասվում է ՌԴ պաշտպանության նախարարության հաղորդման մեջ։
0Comments