HBO հեռուստաընկերությունը հրապարակել է «Գահերի խաղը» սերիալի վերջին եթերաշրջանի պաստառները, որոնցում Վեսթերոսի տիրակալի դերում կարելի է տեսնել սերիալի բոլոր հիմնական հերոսներին, ովքեր նստած են Երկաթյա գահին։ Այդ կերպ սերիալի հեղինակները հեռուստադիտողին առաջարկել են դիտարկել Վեսթերոսի բոլոր հնարավոր տիրակալներին՝ սկսած Դեյներիս Թարգարիենից, Ջոն Սնոուից, Սերսեից եւ Գիշերվա թագավորից մինչեւ Մոխրագույն Որդ, Թեոն Գրեյջոյ եւ Սեմվել Թարլի։
«Գահերի խաղի» եզրափակիչ եթերաշրջանի առաջին սերիան կցուցադրվի ապրիլի 14-ին։ Այն ներառում է 6 էպիզոդ, որոնցից յուրաքանչյուրի տեւողությունը հավասար կլինի լիամետրաժ ֆիլմի։ Հեղինակները խոստացել են եթերաշրջանի ավարտին մաստշաբային մարտ ցուցադրել, որը պատմական կդառնա հեռուստատեսությունում։
Հիշեցնենք՝ հունվարի կեսերին HBO-ն հրապարակել է կուլտային սերիալի պաշտոնական թիզերը։ Այն ցուցադրում էր տեսարան Վինթերֆելում, որ հավաքվում են Ջոն Սնոուն, Արյա եւ Սանսա Սթարկերը։ «Кинопоиск»-ի տվյալներով՝ 8-րդ եթերաշրջանի գործողությունները կսկսվեն հենց Սթարկերի հայրենի ապարանքից, ուր կժամանեն Դեյներիսի զորքերը։
Աղբյուրը՝ Cosmopolitan
0Comments