Վնասել են Մանվել Գրիգորյանի պաշտպանի ավտոմեքենան

Երևան քաղաքի դատախազ Գևորգ Բաղդասարյանի հանձնարարությամբ Ոստիկանության Երևան քաղաքի վարչությունում նյութեր են նախապատրաստվում Մանվել Գրիգորյանի փաստաբան Արսեն Մկրտչյանի ավտոմեքենան վնասելու առերևույթ դեպքի առթիվ։ Այս մասին հայտնում է դատախազությունը։

Հիշեցնենք, որ երեկ անհայտ անձինք վնասել են Մանվել Գրիգորյանի պաշտպան Արսեն Մկրտչյանի ավտոմեքենան:

Նշենք, որ երեկ Վրաքննիչ դատարանում հետաձգվել էր Մանվել Գրիգորյանի խափանման միջոցի վերաբերյալ դական նիստը, որից հետո Գրիգորյանի կալանավորման պահանջով ակցիա իրականացնող անձանց և փաստաբանի միջև վիճավբանություն էր տեղի ունեցել: