«Օսկարի» մի մասն ուղիղ եթերով չի ցուցադրվի

Ամերիկյան կինոակադեմիան որոշել է «Օսկար» մրցանակաբաշխության մի մասը ուղիղ եթերով չհեռարձակել։  Հեռուստադիտողը չի տեսնի մի քանի անվանակարգերում արձանիկների հանձնման արարողությունը գովազդի պատճառով։

kulturomania.ru-ն գրում է, որ ուղիղ եթերով չեն ցուցադրվելու լավագույն մոնտաժ, լավագույն օպերատոր, լավագույն կարճամետրաժ ֆիլմ և լավագույն գրիմ անվանակարգերում դափնեկիրներին։

Ավելի վաղ հայտնի էր դարել, որ «Օսկար» մրցանակաբաշխությունն անցկացվելու է առանց հաղորդավարի։ Այդպիսով, արարողության ուղիղ եթերը կտևի շուրջ երեք ժամ։

«Օսկար» մրցանակաբաշխությունը կայանալու է փետրվարի 24-ին Լոս Անջելեսում։