ՌԴ Անվտանգության խորհրդի փոխնախագահ Դմիտրի Մեդվեդևը կարծում է, որ Գերմանիայի կանցլեր Օլաֆ Շոլցը չի կարողանա «մաքրել իր անհաջողությունների մեղքը» և ամեն ինչ բարդել ՌԴ նախագահ Վլադիմիր Պուտինի և ռուս ժողովրդի վրա։ Սովորական գերմանացիները դեռ կարող են տարբերել ճշմարտությունը մանիպուլյացիայից, ասել է նա՝ մեկնաբանելով Die Welt թերթի համար Շոլցի հոդվածը:
Դրանում կանցլերն ասել է, որ Ուկրաինայում զինված հակամարտությունը նպատակ ունի ոչնչացնել ժողովրդավարությունը և մարդու իրավունքները։ Նա նաև հիշեցրել է ուկրաինական Բուչայում տեղի ունեցած իրադարձությունները, որոնք, իր կարծիքով, ռազմական հանցագործություններ են ռուսական կողմից։
«Հոդվածը միջակ է, կարգախոսները նույնն են՝ մենք ունենք ժողովրդավարություն, և ամեն ինչում մեղավոր են Պուտինն ու ռուսները... Չի ստացվի։ Գերմանացի քաղաքացին ավելի ուժեղ է, քան ամերիկացի աշխարհականը, նա չի մոռացել մտածելու ձևը... չես մաքրի հայրենի երկրում անհաջողություններիդ մեղքը և չես դառնա ավելի լավը, քան գերմանացիների սիրելի Անգելան (Գերմանիայի նախկին կանցլեր Անգելա Մերկել)»,- գրել է Մեդվեդևը Telegram-ի իր ալիքում:
Նրա խոսքով, Գերմանիայի ներկայիս կանցլերի վարկանիշն ընկնում է, իսկ գնաճը՝ բարձրանում։
«Դրա համար, իհարկե, մեղավորը ռուսներն են»,- հեգնել է Մեդվեդևը։
0Comments