ԵՄ-ն չի արգելի Ռուսաստանից էներգակիրների ներկրումը, Al-Jazeera հեռուստաալիքին ասել է անվտանգության քաղաքականության հարցերով ԵՄ բարձր ներկայացուցիչ Ժոզեպ Բորելը։
Նա այս հայտարարությունն արել է այն բանից հետո, երբ Վաշինգտոնը հայտարարեց Մոսկվայի դեմ նոր պատժամիջոցների մասին, այդ թվում՝ էներգառեսուրսների մատակարարման արգելքի մասին։
«Մենք չենք արգելի ռուսական էներգակիրների ներկրումը, մենք չենք հետևում Բայդենին այս հարցում»,- ասել է Բորելը։
Նրա խոսքով՝ ԵՄ-ն «անընդհատ» գազի այլընտրանքային աղբյուրներ է փնտրում։
Բորելը նաև նշել է, որ Ուկրաինայի անդամակցությունը ԵՄ-ին հնարավոր է, բայց անմիջապես տեղի չի ունենա։ Պաշտոնյան ընդգծել է, որ Ուկրաինան սպառնալիք չէ Ռուսաստանի համար, մինչդեռ ԵՄ-ն «չի մղի Կիևին պատերազմի Մոսկվայի հետ»։
0Comments