Չեմ կարծում, որ ավագանու անդամին վայել հայտարարություն էր. Հրաչյա Հակոբյանը ականջ ծամելու գրառման հեղինակի մասին

^{Երևանի ավագանու «Իմ քայլը» խմբակցության անդամ Նուարդ Վարդանյանի հայտարարությունը մի քիչ հուզական ֆոնի վրա էր։ Այս մասին այսօր՝ սեպտեմբերի 26–ին, NEWS.am-ի հետ զրույցում ասաց ԱԺ «Իմ քայլը» խմբակցության պատգամավոր Հրաչյա Հակոբյանը՝ անդրադառնալով ավագանու անդամի ֆեյսբուքյան գրառմանը։}

^{«Չեմ կարծում, որ ավագանու անդամին վայել հայտարարություն էր, բայց շուրջբոլորրը տեղի ունեցող իրադարձությունները երբեմն կարող են պարզապես հունից հանել»,– ասաց Հակոբյանը։}

^{Ավելի վաղ տեղեկացրել էինք, որ Երևանի ավագանու «Իմ քայլը» խմբակցության անդամ Նուարդ Վարդանյանը ֆեյսբուքյան իր էջում գրել է.«Սա ձեզ համար 90-ականները չի, որ մարդ սպանեք շքամուտքի մոտ ու կոծկեք ձեր կերած բողկերը: Ես որպես 90-ականնեի երեխա,ով էդ սարսափի մեջ է մեծացել թույլ չեմ տալու,որ զարմուհիս ու մնացած մեր երեխաները դա ապրեն: Անհրաժեշտության դեպքում հատ-հատ բոլորիդ ականջները կծամեմ»: Ավելի ուշ Նուարդ Վարդանյանը հեռացրել էր այդ գրառումը ֆեյսբուքյան իր էջից:}

^{Հավելենք, որ Նուարդ Վարդանյանի քույրը ՝ Ծովինար Վարդանյանը, ԱԺ «Իմ Քայլը» խմբակցության պատգամավոր է:}