Ճապոնացի ճանապարհորդ Ֆումիհիկո Սատոն, որը հեծանվով շուրջերկրյա ճանապարհորդության էր մեկնել, զոհվել է Պերուում՝ բեռնատարի բախման հետևանքով, հայտնում է japantimes.co.jp-ն:
Նշվում է, որ 31-ամյա երիտասարդը հարավամերիկյան պետություն էր հասել հուլիսի 31-ին, իսկ օգոստոսի 4-ին Գուադալուպիտո քաղաքում նրան է հարվածել բեռնատարը:
Մեքենայի վարորդը ձերբակալվել է: Ոստիկանությունը պարզում է կատարվածի բոլոր հանգամանքները:
Ֆումիհիկո Սատոն տարրական դպրոցում ուսուցիչ է աշխատել: Նախորդ տարի նա լքել է աշխատանքը և հեծանվով շուրջերկրյա ճանապարհորդության մեկնել: Նա նաև բլոգ է վարել երեխաների համար:
0Comments