Երևանի քաղաքապետարանի էջից տեղեկանում ենք, որ աշխատակիցներն ու վարչական շրջանի ղեկավարները պարգևատրումներ են ստացել:
Ամենից շատ պարգևատրվել են՝ քաղաքապետի առաջին տեղակալ՝ Հրաչյա Սարգսյանը, քաղաքապետի տեղակալներ՝ Հայկ Սարգսյանը, Սերգեյ Հարությունյանը, Տիգրան Վիրաբյանը, Երևանի գլխավոր ճարտարապետ Արթուր Մեսչյանը և աշխատակազմի քարտուղար Վահե Խաչատրյանը՝ 965.000 դրամ յուրաքանչյուրին:
Քաղաքապետի խորհրդական Կամո Արեյանը պարգևատրվել է 840.000 դրամով։ Նույն չափով պարգևատրվել են մի քանի վարչության պետեր:
Քաղաքապետարանի մամուլի խոսնակ Հակոբ Կարապետյանը ArmDaily.am-ի հետ զրույցում նշեց, որ սա եռամսյակային պարգևատրումներ են.«Պարգևավճարներ եղել են դեկտեմբերին, ապրիլին, հուլիսին: Կլինեն նաև սեպտեմբերին և դեկտեմբերին»:
Կարապետյանի խոսքով՝ հասարակությունն իրավունք ունի ստանալու պարզաբանումներ այս կամ այն գործողության վերաբերյալ.«Եվ հասարակությունը ստանում է այդ պարզաբանումը: Ամեն բան իրականացվում է օրինականության սահմաններում և աշխատանքի արդյունավետությունը բարձրացնելու սկզբունքների համաձայն»:
0Comments