Ադրբեջանը հակված է ղարաբաղյան հակամարտության խաղաղ կարգավորման, սակայն կշարունակի մեծացնել ռազմական հզորությունը, գրում է «Интерфакс» գործակալության ադրբեջանական տարբերակը՝ Ադրբեջանի նախագահ Իլահամ Ալիևի հայտարարությանը հղումով:
«Մենք փորձում ենք հակամարտությունը կարգավորել քաղաքադիվանագիտական և խաղաղ ճանապարհով, սակայն դրա հետ մեկտեղ մենք կմեծացնենք մեր ռազմական հզորությունը»,- հայտարարել է Ալիևը՝ հավելելով, որ այդ ուղղությամբ ձեռք կառնվեն բոլոր հնարավոր միջոցները:
Նախագահի խոսքով՝ ռազմական և տնտեսական ներուժն ամրապնդում են Ադրբեջանը, և երկրի իշխանությունները մտադիր են շարունակել այդ ուղղությամբ հետևողական քաղաքականությունը:
Ալիևը նշել է, որ ղարաբաղյան հակամարտության շրջանակներում Հայաստանի հետ ապրիլյան բախումները ցույց տվեցին, որ «Ադրբեջանն ունակ է ռազմական ճանապարհով վերականգնել իր տարածքային ամբողջականությունը»՝ ևս մեկ անգամ ընդգծելով, որ իրենց հիմնական նպատակը հակամարտության կարգավորումն է:
«Տարածքների «ազատագրումից» հետո մենք կվերակառուցենք պատերազմի հետևանքով ոչնչացված քաղաքները և դրանց նոր կյանք կհաղորենք»,- եզրափակել է Ադրբեջանի ղեկավարը:
Ադրբեջանը հակված է ղարաբաղյան հակամարտության խաղաղ կարգավորման, բայց կշարունակի մեծացնել ռազմական հզորությունը
Տարածքների «ազատագրումից» հետո մենք կվերակառուցենք պատերազմի հետևանքով ոչնչացված քաղաքները և դրանց նոր կյանք կհաղորենք
0Comments