Փենթագոնի ղեկավար Լլոյդ Օսթինը հեռախոսազրույց է ունեցել ՌԴ պաշտպանության նախարար Անդրեյ Բելոուսովի հետ, այս մասին հայտնել է Փենթագոնի խոսնակ Սաբրինա Սինգհը։
Զրույցից մանրամասներ չեն հաղորդվում, հայտնի է միայն, որ նախարարները «կարծիքներ են փոխանակել Ուկրաինայի շուրջ ստեղծված իրավիճակի վերաբերյալ», իսկ Օսթինը նշել է հաղորդակցության պահպանման կարևորությունը։
Ռուսաստանի պաշտպանության նախարարը խոսել է «իրավիճակի հետագա սրման վտանգի մասին՝ կապված Ուկրաինայի զինված ուժերին ամերիկյան զենքի շարունակական մատակարարման հետ», փոխանցում է BBC-ն։
0Comments