ՌԴ արտաքին գործերի նախարարության պաշտոնական ներկայացուցիչ Մարիա Զախարովան լրագրողների հետ զրույցում անդրադարձել է Սոչիում ՌԴ, Հայաստանի և Ադրբեջանի ԱԳ նախարարների եռակողմ հանդիպմանը:
«Սրանք պատվիրակությունների բանակցություններ չէին: Դա զրույց էր, դեմ առ դեմ շփումներ, որոնք տեղի ունեցան այն բանակցությունների համատեքստում, որոնք անցկացվում էին երկրների ղեկավարների միջև»,- ճեպազրույցի ժամանակ ասել է ՌԴ ԱԳՆ պաշտոնական ներկայացուցիչը։
Միևնույն ժամանակ Զախարովան չի բացահայտել Բաքվի և Երևանի միջև հարաբերությունների կարգավորման վերաբերյալ Ռուսաստանի առաջարկների մանրամասները: Նա պարզապես մեջբերել է ՌԴ նախագահ Վլադիմիր Պուտինի խոսքերը:
«Մենք կոռեկտ չենք համարում զգայուն հարցերը հանրային քննարկման ներկայացնելը, քանի որ դա կարող է խանգարել բանակցային գործընթացին»,- ասել է Զախարովան` ընդգծելով, որ սրանք Պուտինի խոսքերն են:
0Comments