Ֆրանսիայի նախագահ Էմանուել Մակրոնը մտահոգություն է հայտնել Իրաքում և Սիրիայում «Իսլամական պետություն» ահաբեկչական կազմակերպության ակտիվացման կապակցությամբ:
«Այսօր ես վստահեցրել եմ Բարզանիին Ֆրանսիայի համերաշխության մեջ. առաջին հերթին մեր ընդհանուր թշնամու՝ ԻՊ -ի դեմ պայքարում, որն իր գործունեության վերածննդի նշաններ է ցույց տալիս Իրաքում, ինչպես նաև Սիրիայում», – ՏԱՍՍ -ը մեջբերել է Մակրոնի խոսքերն Իրաքի քրդական ինքնավար շրջանի ղեկավար Նեչիրվան Բարզանի հետ մամուլի ասուլիսի ժամանակ:
Մակրոնը նշել է, որ Իրաքի, Եվրոպայի և Ֆրանսիայի անվտանգությունը, ի թիվս այլ բաների, կախված է ահաբեկչության դեմ պայքարից:
Ավելի վաղ Ֆրանսիայի առաջնորդը Բաղդադում հայտարարել էր Աֆղանստանից վտանգված քաղաքացիների դուրս բերման գործողության շարունակման վերաբերյալ Ֆրանսիայի և Թալիբանի միջև բանակցությունների մասին:
0Comments