Ի՞նչ նվեր է տվել Թուրքմենստանի նախագահը Ռուսաստանի Վարչապետին

^{Ռուսաստանի վարչապետ Դմիտրի Մեդվեդեւը հրապարակել է տեսանյութ այն մասին, թե ինչ նվեր է ստացել Թուրքմենստանի նախագահ Կուրբանկուլի Բերդիմուհամմեդովից։}

^{Եվ այսպես, այն չորսամսական «ալաբայ» տեսակի շան քոթոթ է, որին կոչել են «Այիկ»։ Այս մասին հայտնում է ՏԱՍՍ-ը։ Կադրերը հրապարակվել են Մեդվեդեւի «Վկոնտակտե» կայքում գտնվող էջում։ Մեդվեդեւն այդ նվերը ստացել է Թուրքմենստան իր երկօրյա այցի ընթացքում։ «Բոլորին, ովքեր հետաքրքրվում են, թե ինչ եղավ Թուրքմենստանի նախագահ Կուրբանկուլի Բերդիմուհամմեդովի՝ ինձ տված նվերի հետ»,- մակագրել է Մեդվեդեւը։ Պարզվում է, որ քոթոթը ապրում է Մեդվեդեւի մերձմոսկովյան կեցավայրում, գրում է hraparak.am:}