Բրիտանիայի վարչապետերի կատուն կարող է Ջոնսոնի զոհը դառնալ

^{Բրիտանիայի նոր վարչապետ Բորիս Ջոնսոնը մտադիր է շուն պահել Դաունինգ սթրիթում գտնվող առանձնատանը։ Այդ մասին հաղորդում է Daily Mirror-ը՝ հղում կատարելով սեփական աղբյուրներին։}

^{Նշվում է, որ կառավարության ղեկավարը տեղեկացրել է իր ծրագրերի մասին, երբ պաշտոնապես զբաղեցրել է վարչապետի պաշտոնը։}

^{Ընդ որում՝ ըստ պարբերականի՝ դեռ վերջնական որոշված չէ՝ կբնակվի արդյոք շունը Դաունինգ սթրիթում։}

^{Բացի այդ, ոմանք հետաքրքրվում են, թե ինչպես շունը կկարողանա ապրել Լարի անունով կատվի հետ, որն առանձնատան մշտական բնակիչն է 2011 թվականից ի վեր։}

^{Լարին չորս ամսական էր, երբ նրան վերցրել էր երկրի նախկին վարչապետ Դեւիդ Քեմերոնի ընտանիքը ապաստարանից, հաղորդում է Gazeta-ն, գրում է news.am:}