Հանրության ներկայացուցիչների կողմից անհարգալից քայլ է համարվում Մեծ Բրիտանիայի թագուհի Էլիզաբեթ 2-րդին մեջքով կանգնելը կամ քայլելուց նրանից առաջ ընկնելը: Սակայն այդ կանոնը չի տարածվում Օլիվ մականունով բադի վրա, որը «դիմավորել» է Էդինբուրգի քաղաքային ֆերմա այցելած թագուհուն և ճանապարհի մի հատվածում «առաջնորդել» նրան:
Ինչպես նշում է Daily Mail-ը, դատելով լուսանկարներից՝ փետրավորի ակտիվությունը զվարճացրել է 93-ամյա միապետին, որը ժպիտով է հետևել Օլիվի գործողություններին:
Բադի տիրուհին ևս չի կարողացել զսպել ծիծաղը: Նա քայլել է թագուհու կողքով, մինչդեռ թագուհին աչք չի կտրել Օլիվից:
0Comments