Վարչապետը կողմ է Երեւանի քաղաքապետի՝ աշխատավարձը կրկնակի բարձրացնելու մտադրությանը

^{Հայաստանի վարչապետ Նիկոլ Փաշինյանը հավանություն է տալիս Երեւանի քաղաքապետ Հայկ Մարությանի՝ աշխատավարձը կրկնակի բարձրացնելու մտադրությանը։}

^{Ինչպես տեղեկացվել էր ավելի վաղ, քաղաքապետի աշխատավարձը կկազմի 1 մլն 200 հազար դրամ։ Բայց հարցը հանվել է Ավագանու խորհրդի այսօրվա նիստի օրակարգից։ Քաղաքապետն այդ որոշումը բացատրել է «լայն կոնսենսուսի» անհրաժեշտությամբ։ Լուծման նախագիծն արդեն բացասական արձագանք է առաջացրել հասարակությունում։ Նշենք, որ երկրում նվազագույն աշխատավարձը կազմում է 55, իսկ նվազագույն թոշակը՝ 25 հազար դրամ։}

^{Մայիսի 8-ի մամուլի ասուլիսում վարչապետը մեկնաբանել է Հայկ Մարությանի նախագիծը։ «1 մլն 200 հազար։ Իսկ որքա՞ն պետք է նա ստանա։ Այո, պաշտոնյաները պետք է լավ վճարվեն, որպեսզի լավ ծառայություններ մատուցեն։ Ես արդեն ՊԵԿ օրինակով ասել եմ, որ մոտեցումն արդարացված է։ Բայց ավելին ավելիի դիմաց սկզբունքով։ Մարությանի ձգտումները ճիշտ են եւ մտքի ուղղվածությունը՝ նույնպես»,- կարծում է Նիկոլ Փաշինյանը։ Սակայն, նրա խոսքով, Ավագանու խորհուրդը նույնպես պետք է իր խոսքն ասի։ Այնուամենայնիվ, Փաշինյանը ողջունել է այն, որ հարցը հանվել է այսօրվա նիստից։ «Համոզված եմ, որ Մարությանը եւ «Իմ քայլը» խմբակցությունը քննարկում կանցկացնեն եւ կգտնեն լավագույն լուծումը»։ Հայկ Մարությանի աշխատանքը վարչապետը լավ է համարում. «Ես գիտեմ, թե ինչ է նա ցանկանում եւ ինչպես է անում։ Իսկ երբ լսում եմ քննադատություն նրա հասցեին, տպավորություն է ստեղծվում, որ նա աշխատել է 25 տարի եւ ոչինչ չի անում։ Մարությանը լավ քաղաքապետ է եւ ավելի լավը կլինի։ «Իմ քայլը» խմբակցությունը պետք է աջակցի եւ անհրաժեշտության դեպքում քննադատի, որպեսզի աշխատանքն ավելի լավը լինի»,- ասել է Փաշինյանը։}

^{Նշենք, որ մինչ քաղաքապետը փորձում է բարձրացնել իր եւ աշխատակիցների աշխատավարձը, իրավիճակը տրանսպորտի եւ աղբահանության հետ կապված շարունակում է վատանալ։}