Գլենդելի նախկին քաղաքապետ Զ. Սինանյանը կնշանակվի Սփյուռքի գործերի գլխավոր հանձնակատար

^{Ամիսներ առաջ հայտնի դարձավ, որ կառավարության նոր կառուցվածքում սփյուռքի նախարարությունը կդադարի գոյություն ունենալ։}

^{Նախարարության փոխարեն վարչապետի աշխատակազմում կստեղծվի Սփյուռքի գործերի գլխավոր հանձնակատարի պաշտոն, ով կլինի վարչապետի ներկայացուցիչը և նրա անունից կհամակարգի կառավարության աշխատանքները սփյուռքի հետ հարաբերություններում:}

^{Օրերս Ազգային Ժողովի «Իմ քայլը» խմբակցության մեր զրուցակցին (հասկանալի պատճառներով անունը չենք կարող ներկայացնել) հարցրինք, թե ինչպե՞ս է կարողանալու գլխավոր հանձնակատարը զբաղվել աշխարհասփյուռ հայերի հարցերով, և կա՞ն արդյոք թեկնածուներ։ Մեր զրուցակիցը վստահեցրեց, որ գլխավոր հանձնակատարը կարողանալու է հավուր պատշաճի զբաղվել սփյուռքի խնդիրներով։ Ըստ նրա` Փաշինյանը որոշել է այդ պաշտոնը վստահել ԱՄՆ Գլենդել քաղաքի նախկին քաղաքապետ Զարեհ Սինանյանին։
politik.am}